ធ្លាយទុយោលូតាមពិដានក្នុងផ្សារទំនើបមួយនៅថៃ ហូរលាមកលឿងល្អូកពាសពេញឥដ្ឋ ភ្ញៀវរត់ចែកជើងគ្នាប្រសាច

មហាជននៅតាមបណ្តាញសង្គមនៅក្នុងប្រទេសថៃ កំពុងតែផ្ទុះការភ្ញាក់ផ្អើលទៅនឹងហេតុការណ៍ដ៏មិននឹកស្មានមួយរបស់ផ្សារទំនើបមួយកន្លែង ស្ថិតនៅម្តុំ Lat Phrao ក្រុងបាងកក ដែលបែកធ្លាយលូនៅលើពិដាន ហូរធ្លាក់មកសុទ្ធតែលាមកពេញហាង។

តាមរយៈឃ្លីបវីដេអូបានបង្ហាញឱ្យឃើញថា មានទឹកកំពុងហូរយ៉ាងខ្លាំងចេញមកពីលើពិដានរបស់ផ្សារទំនើបនោះ ហើយបើមើលឱ្យជិតទៅ ទឹកដែលហូរមកនោះគឺលាយឡំទៅដោយលាមកគួរឱ្យខ្ពើមណាស់។ ចំណែកឯអ្នកលក់វិញ ក៏នាំគ្នាប្រញាប់លើកខោអាវ និង អីវ៉ាន់ផ្សេងៗចេញឱ្យអស់ ព្រោះតែខ្លាចខូចខាតអស់ច្រើនជាងនេះ។

យ៉ាងណាមិញ ក្រោយពីរឿងរ៉ាវមួយនេះត្រូវបានគេចែកចាយទៅ មានមហាជនច្រើនណាស់នាំគ្នាចូលមកខមិនបញ្ចេញការអាណិតចំពោះអ្នកលក់ ដែលត្រូវមកជួបនឹងរឿងបែបនេះ ជារឿងមិននឹកស្មានដល់ ហើយក៏ជារឿងដែលមិនចង់ឱ្យកើតជាទីបំផុត៕

សូមចុចទីនេះដើម្បីទស្សនាវីដេអូក្នុងខំមិន៖ 

ប្រភព៖ Khaosod