ស្ដាយណាស់! វិបសាយមើលរឿងដ៏ល្បី DRAMACOOL ប្រកាសបិទចោលលែងដំណើរការតទៅទៀតហើយ

មហាជនអ្នកលេងបណ្ដាញសង្គមជាច្រើនបានសម្ដែងការសោកស្ដាយ ក្រោយឮដំណឹងប្រកាសថាវិបសាយមើលរឿងដ៏ល្បី DRAMACOOL បានប្រកាសបិទចោលលែងដំណើរការតទៅទៀតហើយ។

តាមការប្រកាសលើបណ្ដាញសង្គម DRAMACOOL ផ្ទាល់បានរៀបរាប់ថា៖ «ពួកយើងសោកស្ដាយដោយត្រូវប្រកាសប្រាប់អ្នកទាំងអស់គ្នាថា យើងនឹងបិទវិបសាយទាំង ៥ របស់យើងចោល Asianc, Dramanice, Watchasia, Runasian និង Asianwiki(.co)។ ដោយសារតែបញ្ហាកម្មសិទ្ធិបញ្ញា ពួកយើងមិនអាចដំណើរការវិបសាយទាំងនោះតទៅទៀតទេ។ ពួកយើងសុំអភ័យទោសដល់អ្នកគាំទ្រទាំងអស់ដែលតែងតែគាំទ្រ និង ស្រឡាញ់ DRAMACOOL»។

អ្នកប្រើប្រាស់បណ្ដាញសង្គមជាច្រើនបានសម្ដែងការខកចិត្តជុំវិញការបិទវិបសាយ DRAMACOOL នេះ ដោយអ្នកខ្លះលើកឡើងងថាវិបសាយខ្លះត្រូវចាយលុយ subscribe streaming ហើយ ប៉ុន្តែរឿង ឬ កម្មវិធីខ្លះនៅតែមិនអាចមើលឃើញក្នុងតំបន់របស់ពួកគេដដែល។ សម្រាប់ពួកគេទាំងនេះ គឺពឹងផ្អែកលើ DRAMACOOL នេះឯងដើម្បីអាចមើលរឿងដែលពួកគេមិនអាចមើលលើវិបសាយដទៃផ្សេងបាន៕

ប្រភព៖ AllKpop