ក្ដៅៗ! នៅថៃ ប្រទះហេតុការណ៍បាក់ស្ពានកំពុងសាងសង់ មានទាំងស្ល-ា/ប់ របួស និង បាត់ខ្លួនក្រោមគំនរស៊ីម៉ងត៍

នៅថ្ងៃទី ២៩ ខែវិច្ឆិកា ឆ្នាំ ២០២៤ នេះ សារព័ត៌មានថៃបានរាយការណ៍ឱ្យដឹងពីហេតុការណ៍បាក់ស្ពានមួយយ៉ាងរន្ធត់ ដែលបណ្តាលឱ្យមនុស្ស ៣ នាក់បានបាត់បង់ជីវិត និង ១០ នាក់ទៀតបានរបួស។

តាមព័ត៌មានបានឱ្យដឹងថា ស្ពានដែលបានបាក់នេះ ជាស្ពាន Rama 2 ដែលសាងសង់មិនទាន់ហើយ ស្ថិតនៅក្នុងតំបន់ Mahachai ខេត្តសាមុតសាខន។ ហេតុការណ៍បានកើតឡើងនៅម៉ោងប្រមាណ ៤ ព្រឹក ក្នុងថ្ងៃទី ២៩ ខែវិច្ឆិកា ឆ្នាំ ២០២៤ នេះ ដោយបានបណ្តាលឱ្យអ្នកដំណើរបាត់បង់ជីវិតនៅនឹងកន្លែងចំនួន ៣ នាក់ ចំណែកឯអ្នករបួសមានចំនួន ១០ នាក់ ក្នុងនោះមាន ២ នាក់កំពុងស្ថិតនៅក្រោមគំនរស៊ីម៉ង់ រីឯ ៣ នាក់ទៀតបាត់ខ្លួន និង ៦ នាក់ទៀតត្រូវបានបញ្ជូនទៅមន្ទីរពេទ្យ។

យ៉ាងណាមិញ អាជ្ញាធរប្រចាំតំបន់កំពុងតែបិទផ្លូវសម្រួលចរាចរណ៍ ដើម្បីខ្នះខ្នែងជួយជនរងគ្រោះ ហើយគេនឹងស្រាវជ្រាវបន្តទៀតចំពោះក្រុមហ៊ុនដែលទទួលម៉ៅការសំណងស្ពានមួយនេះ៕

ប្រភព៖ Khaosod