នាយកដ្ឋានប្រយុទ្ធនឹងជំងឺឆ្លង ពន្យល់ច្បាស់ៗ ៦ ចំណុចពីមេរោគ Norovirus មិនមែនមេរោគផ្ទុះថ្មី និង មិនងាយមានវត្តមានក្នុងប្រទេសក្តៅហើយសើមដូចយើងទេ

នៅថ្ងៃទី ១៥ ខែធ្នូ ឆ្នាំ ២០២៤ នាយកដ្ឋានប្រយុទ្ធនឹងជំងឺឆ្លង CDC បានចែករំលែកការយល់ដឹងពីជំងឺបង្កឡើងដោយមេរោគ Norovirus ដើម្បីបំភ្លឺដល់បណ្ដាញសង្គមមួយចំនួនដែលផ្សាយខុស។

ក្នុងនោះ នាយកដ្ឋានប្រយុទ្ធនឹងជំងឺឆ្លង CDC បានបញ្ជាក់អំពី Norovirus ឱ្យបានដឹងថា ៖

១-​ ជាជំងឺកើតឡើងជាប្រចាំនៅបណ្តាប្រទេសត្រជាក់​ ឬហៅថា​ ជំងឺក្អួតរាកបង្កឡើងដោយមេរោគនៅរដូវត្រជាក់​ ដែលតែងតែកើតឡើង​ និង រាតត្បាតនៅបណ្តាប្រទេសត្រជាក់ដូចជា​ ចិន​ អាមេរិក​ អឺរ៉ុប​ ។ ល។

២​-​ ជាមេរោគមានវត្តមានយូរមកហើយ​ និង មិនមែនជាមេរោគផ្ទុះថ្មីទេ ​ឬក៏គម្រាមកំហែងរាតត្បាតសកលទេ

៣-​ ជាមេរោគងាយងាប់នៅសីតុណ្ហភាពក្តៅ​ ចាប់ពី​ ៦០ អង្សាសេឡើងទៅ​ ដូច្នេះមិនងាយមានវត្តមាននៅក្នុងប្រទេសក្តៅសើម​ទេ​ ដូចជាប្រទេសយើងជាដើម​

៤-​ អ្នកឆ្លងជំងឺនេះមានរោគសញ្ញា​ ចង្អោរ​ ក្អួត​ រាក​ និង ងាយជាទៅវិញរយៈពេលខ្លី​

៥-​ ឆ្លងតាមរយៈប៉ះពាល់ផ្ទាល់ជាមួយទឹកសរីរាង្គអ្នកជំងឺ​ដូចជា​ ក្អក​ កំអួត​ លាមក​

៦-​ បង្ការជំងឺតាមរយៈ​ពាក់ម៉ាស់​ លាងដៃ​ សំអាតអនាម័យ​ ប្រដាប់ប្រើប្រាស់​ និង បរិស្ថានជុំវិញ​៕