ញាក់សាច់ ! ជាមួយការបង្ហាញវីដេអូ Review បច្ចេកវិទ្យា 60X Digital Zoom របស់ OPPO Reno
ធ្លាប់តែឃើញតាមរយៈព័ត៌មានទូទៅនៃបច្ចេកវិទ្យាថ្មីរបស់ OPPO Reno 10X Zoom ដែលមានបង្កប់បច្ចេកវិទ្យាមហា Zoom គឺ 60X Digital Zoom ឥលូវបានឮ និង ឃើញច្បាស់ភ្នែកហើយ ពិតជាមិនធម្មតារបស់គេមែន ។ វីដេអូ Review ដែលធ្វើឡើងដោយគេហទំព័រ John Sey Tech ដ៏ល្បីល្បាញក្នុងវិស័យបច្ចេកវិទ្យាប្រចាំនៅព្រះរាជាណាចក្រកម្ពុជា ដែលមានអ្នកគាំទ្ររាប់សិបម៉ឺននាក់ នៅពេលដែលគាត់ចេញវីដេអូម្តងៗ ទាក់ទងនឹងការបង្ហាញបច្ចេកវិទ្យាថ្មីៗលើវិស័យទូរស័ព្ទដៃនោះ ។
តាមការបញ្ជាក់នៅក្នុងវីដេអូ Review នោះបានបង្ហាញថា OPPO បានរចនា និង Upgrade បច្ចេកវិទ្យា 60X Digital Zoom របស់ OPPO Reno 10X និង ទទួលបានការកោតសរសើរយ៉ាងខ្លាំងពីលោក John Sey និង អាចនិយាយបានថាវាកំពុងត្រូវបានក្រុមអ្នកជំនាញថតរូបល្បីៗ នៅក្នុងប្រទេសកម្ពុជា និង នៅលើពិភពលោកធ្វើការពិចារណាហើយនៅពេលនេះ ព្រោះគុណសម្បត្តិរបស់វាមានច្រើនសន្ធឹកសន្ធាប់សម្រាប់កំលាយខ្លួនឯងទៅជាជំនួយការដ៏ឆ្លាតវៃដល់អ្នកជំនាញថតរូបទាំងនោះ ដែលងាយស្រួលដាក់តាមខ្លួន ទៅគ្រប់ទីកន្លែង និង មានមុខងារជាច្រើនថែមទៀត ដែលអាចផ្តល់ឱ្យពួកគេនូវរូបភាពយ៉ាងទាក់ទាញ ប្រកបដោយភាពច្នៃប្រឌិតខ្ពស់ ព្រោះឮថា OPPO Reno ជាស៊េរិថ្មីសម្រាប់ការច្នៃប្រឌិតថ្មី គ្មានដែនកំណត់ ។
លោក John Sey Tech បានបង្ហាញពីរបៀបនៃថតរូបភាពគ្រប់ Function ទាំងអស់ដែលមាននៅក្នុងទូរស័ព្ទ OPPO Reno 10X (វាឈ្មោះ Reno10X តែវា Zoom បាន60X) ជាពិសេសគឺការ Zoom រហូតដល់ទៅ 60 ដង សឹងតែមិនបែកគ្រាប់អ្វីទាំងអស់ ។ Zoom កាន់តែឆ្ងាយ កាន់តែច្បាស់ ដោយអ្នកខ្លះធ្លាប់បាននិយាយគ្នាលេងថា OPPO Reno 10X Zoom បានបង្កប់បច្ចេកវិទ្យា Zoom កប់ពពកឯណោះកាលពីមុនពេលប្រកាសខ្លួននៅលើទីផ្សារ ឥលូវពិតជាដូចការអួតរបស់ពួកគេមែន។
បច្ចេកវិទ្យា 60X Digital Zoom នៅក្នុងតួខ្លួន OPPO Reno 10X Zoom តម្លៃ 899$ នេះ មិនធ្វើឱ្យលោកអ្នកខកចិត្តនោះទេ ព្រោះចាប់ពីស៊េរី Reno នេះទៅ OPPO មិនព្រលែងដៃទៀតឡើយ គឺថាសម្រុកយកតែម្តងចំពោះការច្នៃប្រឌិតលើបច្ចេកវិទ្យាកាមេរ៉ា និង កម្លាំងម៉ាស៊ីនផ្ទុក និង ផ្សេងៗទៀត គឺ Brand មួយនេះតែងតែ Supersized អ្នកប្រើប្រាស់ទូរស័ព្ទដៃជានិច្ចនៅទូទាំងពិភពលោកហួសពីការស្មានរបស់ពួកគេ ។ ដូច្នេះបើចង់ជ្រាបច្បាស់ វីដេអូ Review នេះសូមទស្សនាវីដេអូ Fullតាមរយៈតំណរភ្ជាប់នេះទាំងអស់គ្នា ៕
