ក្រុមហ៊ុន សាំងយ៉ុង ដាក់បង្ហាញរថយន្តថ្មី MUSSO GRAND នៅប្រទេសកម្ពុជា
រាជធានីភ្នំពេញ-កម្ពុជា- រថយន្ត Musso Grand ជាបច្ចេកវិទ្យាថ្មីនៃរថយន្តភីកអាប់ ដែលវិវត្តន៍ចេញពីរថយន្តដំបូងគឺ Musso នៅទីបំផុតបានដាក់បង្ហាញ និង មកដល់ប្រទេសកម្ពុជាជាផ្លូវហើយនៅក្រុមហ៊ុន SsangYong Cambodia ជាមួយរូបរាងថ្មី ស្អាតជាងមុន បន្ថែម Option ច្រើនជាងមុន ។
រថយន្ត Grand Musso ត្រូវបានដាក់បង្ហាញជាផ្លូវការនៅក្នុងប្រទេសកូរ៉េ កាលពីដើមឆ្នាំមុន ។ ម៉ូដែលថ្មីនេះគឺជាម៉ូដែល MUSSO GRAND ដ៏មានប្រជាប្រិយភាពនៅទីផ្សារក្រៅស្រុករបស់ក្រុមហ៊ុនផលិតរថយន្តកូរ៉េ ។ រថយន្តភីកអាប់ ដែលត្រូវបានផ្លាស់ប្តូរឱ្យល្អបំផុតមួយនេះ ត្រូវបានគេទទួលស្គាល់ថា ជារថយន្តដឹកទំនិញដ៏មានសុវត្ថិភាពឈានមុខគេ វាពេញដោយអំណាច និង មានតម្លៃសមរម្យ ។ ការរចនារថយន្តនេះ ត្រូវបានគេធ្វើឱ្យកាន់តែប្រសើរឡើង ដើម្បីបំពេញចិត្តអ្នកដែលចូលចិត្តធ្វើដំណើរបែបផ្សងព្រេង អាចបើកបានគ្រប់ស្ថានភាពផ្លូវ និងបែបកីឡា ដែលត្រូវការផ្ទុករបស់របរច្រើន និងធ្ងន់ៗ ។
SsangYong MUSSO GRAND គឺជារថយន្តដែលទទួលបានជោគជ័យខ្លាំងរបស់ក្រុមហ៊ុន SsangYong Motors ប្រចាំប្រទេសកូរ៉េ ។ ម៉ូដែលថ្មីនេះបានបង្ហាញពីសមិទ្ធផល និង ការទទួលស្គាល់ជាសកលរបស់រថយន្ត SsangYong Musso ដែលមានប្រជាប្រិយភាពខ្ពស់ ដោយលក់អស់ជាង 80.000 គ្រឿងនៅក្នុងប្រទេសកូរ៉េកាលពីឆ្នាំដើមឆ្នាំ2019 នេះ ។ រថយន្ត Musso Grand បានបង្ហាញភាពរឹងមាំ ធ្ងន់ មិនគួរឱ្យជឿ និង ភាពខ្លាំងក្លារបស់វា ។ ក្រុមហ៊ុនសាំងយ៉ុង បានបញ្ជាក់ថា ការរចនាផ្នែកខាងក្រៅរបស់រថយន្តនេះ ត្រូវបានបំផុសគំនិតដោយសមាសភាពនៃការធ្វើចលនាបែបធម្មជាតិដ៏ល្អឥតខ្ចោះរបស់ក្រុមហ៊ុនម៉ូតូកូរ៉េ ដើម្បីកំណត់រចនាសម្ព័នរបស់រថយន្តរបស់ខ្លួនឱ្យបង្ហាញពីបែបបទធម្មជាតិ ។
រថយន្ត Musso Grand មានប្រវែង 31 សង់ទីម៉ែ ត្រវែងជាងរថយន្តស៊េរីដូចគ្នា មានបណ្តោយរថយន្តប្រវែង 5.4 ម៉ែត្រ ។ កម្ពស់ 1.85 ម៉ែត្រ និង អង្កត់ផ្ចិត 3.21 ម៉ែត្រ ដែលត្រូវបានកើនឡើងវែងជាមុនពី 1.5 សង់ទីម៉ែត្រ និង 11 សង្ទីម៉ែត្រ តាមលំដាប់លំដោយបើប្រៀបធៀបជាមួយនឹងរថយន្ដភីកអាប់ផ្សេងទៀត ។ ប្រវែងបណ្តោយរថយន្តវែង ត្រូវបានគូសបញ្ជាក់ដោយការបង្កើនសមត្ថភាពផ្ទុកដល់ទៅ 3 តោន ជាមួយនិងទម្ងន់ផ្ទុកអតិបរមា 1,025 គីឡូក្រាម ។
ជាមួយនឹងការប្រើប្រាស់ម៉ាស៊ីនម៉ាស៊ូត e-XDi220 turbo ផ្តល់នូវប្រសិទ្ធភាពខ្ពស់ និង រក្សាភាពសំឡេងស្ងាត់ស្ទើរមិនគួរឱ្យជឿជាមួយនឹងការបំពេញមុខងារបានយ៉ាងល្អ មានភាពល្អប្រសើរ និង អាចទុកចិត្តបាន ។ រថយន្ត Musso Grand ផ្តល់ជូននូវលទ្ធផលនៃកម្លាំងអតិបរមា 181ps និង កម្លាំងបង្វិល 42.8 គីឡូម៉ែត្រ ។
ផ្ទៃខាងក្នុងត្រូវបានរក្សាឱ្យដូចទៅនឹងម៉ូដែលរថយន្តដែលមានតួខ្លួនខ្លី រួមទាំងកៅអីស្បែកដ៏ស្រស់ស្អាត សម្រាប់កៅអីខាងមុខប្រកបដោយផាសុកភាព ការត្រួតពិនិត្យសីតុណ្ហភាពម៉ាស៊ីនត្រជាក់ស្វ័យប្រវត្តិ និង ប្រព័ន្ធផ្តល់ព័ត៌មានទាន់សម័យ និង ទំនើបបំផុត ។
ខណៈពេលដែលការរចនាផ្នែកខាងក្រៅត្រូវបានរក្សាទុកដូចគ្នានឹង រថយន្ត Musso ដើម ជាមួយនឹងខ្សែកោងរលោង ដែលជួយឱ្យរយន្ត Musso Grand មានលក្ខណៈខុសប្លែក និងមើលទៅកាន់តែមានអំណាចឡើង ។ គំនូសតាង និងតួរអក្សរនៅលើសន្ទះគ្របរថយន្ត បញ្ជាក់ពីភាពដោយឡែក ។ រូបក្រឡាចត្រង្គនេះ បានផ្សារភ្ជាប់ទៅនឹងផ្នាត់គំនិតជាភាសាក្រិចផាធិនណន (Greek Parthenon) ដែលបង្ហាញពីការរចនាដែលមិនចេះចប់ និងបែបក្លាស្សសិក ហើយតួអក្សរដែលសរសេរជាឈ្មោះម៉ូដែល 5 តួ គឺ “GRAND” ។
រថយន្ត Musso Grand ត្រូវបានគេចាត់ទុកថា ជារថយន្តភីកអាប់ដែលមានសុវត្ថភាពខ្ពស់បំផុត ជាមួយពាក្យស្លោក “ផ្តល់ជូនគ្រប់យ៉ាងដែលអ្នកត្រូវការ Anything You Want” រួមមាន៖ កាមេរ៉ា 360ដឺក្រេ ដែលអាចពិនិត្យមើលយ៉ាងច្បាស់ជុំវិញរថយន្តបែប3D, ការមើលឃើញកន្លែងដែលកំបាំងភ្នែក (BSD), ការផ្លាស់ប្តូរស្ថានភាពផ្លូវ (LCA), ការត្រួតពិនិត្យចរាចរណ៍ឆ្លងកាត់ និង ប្រាប់ឱ្យដឹង (RCTA), ការជូនដំណឹងព្រមាន និង ពោងសុវត្ថិភាពចំនួន 6 ។ រថយន្ត SsangYong Musso Grand ឥឡូវនេះមានលក់នៅក្នុងប្រទេសកម្ពុជាហើយជាមួយតម្លៃយ៉ាងប្រកួតប្រជែងបំផុត និង ធានាថាជារថយន្តដែលមានគុណភាពខ្ពស់ និង បំពាក់ដោយសម្ភារគ្រប់គ្រាន់ជាមួយប្រ៊េនដ៏នៃរថយន្ត SsangYong ។
ភាគច្រើន អ្នកដែលចូលរួមនៅក្នុងការដាក់បង្ហាញ គឺមានឱកាសដើម្បីកក់ និង ទទួលបាននូវការផ្តល់ជូននូវតម្លៃ និង ប្រូម៉ូសិនដ៏ល្អបំផុតនៅក្នុងថ្ងៃនេះ ។ ការផ្តល់ជូននេះ គឺជាឱកាសដ៏ល្អមួយសម្រាប់អ្នកដែលមានបំណងចង់ទិញរថយន្តនេះ ព្រោះពួកគេនឹងទទួលបានជាមួយនឹងប្រូម៉ូសិនស្វាគមន៍ពិសេស គឺកញ្ចប់គ្រឿងបន្លាស់ពេញលេញ ១ ឈុតតែម្តងបន្ថែមដោយការធានារយៈពេល ៣ ឆ្នាំ ឬ ១០០,០០០ គីឡូម៉ែត្រ អមដោយការផ្តល់ជូនជាច្រើនមុខទៀត ។
លើសពីនេះទៀត សម្រាប់ការបិទកម្មវិធីនេះធ្វើឡើងជាមួយនឹងការចាប់ឆ្នោតផ្តល់សំណាងជូនដល់អ្នកដែលចូលរួមទាំងអស់ ដែលរង្វាន់របស់យើងមានដូចជា រង្វាន់ការធ្វើដំណើរកម្សាន្តទៅកាន់ប្រទេសអឺរ៉ុបចំនួន2នាក់ និង iPhone XS Max ចំនួន 5 រង្វាន់ និងឆ័ត្រជាច្រើនរង្វាន់។
សម្រាប់រថយន្ត Musso Grand ក្រុមហ៊ុន Ssangyong បានផ្តល់ជូននូវកម្មវិធីដ៏គួរឱ្យរំភើបមួយទៀតដល់អ្នកទិញទាំងអស់ ដែលនោះគឺជាកម្មវិធីដ៏ពិសេស ដោយអ្នកចូលរួមទាំងអស់នឹងមានឱកាសឈ្នះរង្វាន់ដ៏អស្ចារ្យតាមរយៈការចាប់ឆ្នោតផ្សងសំណាង ។
ដើម្បីទទួលបានព័ត៌មានបន្ថែមអំពីរថយន្ត SsangYong សូមមកទស្សនាដោយផ្ទាល់នៅបន្ទប់តាំងបង្ហាញរបស់ក្រុមហ៊ុន SsangYong ដែលមានទីតាំងស្ថិតនៅមហាវិថីសហព័ន្ធរុស្ស៊ី និង នៅជិតវត្តនាគវ័ន សង្កាត់ផ្សារដេប៉ូ ទី3 រាជធានីភ្នំពេញ ។ សម្រាប់ព័ត៌មានបន្ថែមសូមទូរស័ព្ទមកលេខ 095 456 888/098 456 888 ឬ ចូលទៅកាន់គេហទំព័រហ្វេសបុគ FB: https://www.facebook.com/SsangYongCambodia/?_rdc=2&_rdr
