រឿង «កូនពស់កេងកង» ផ្ទុះការគាំទ្រខ្លាំងក្លាយជារឿងភាគខ្មែរដែលទទួលបានការទស្សនា ច្រើនបំផុតមិនធ្លាប់មាន
រឿងភាគបុរាណខ្មែរ កូនពស់កេងកង ដែលកំពុងតែចាក់បញ្ចាំងរៀងរាល់ថ្ងៃចន្ទ អង្គារ ពុធ ម៉ោង ៨ យប់ នៅលើកញ្ចក់ទូរទស្សន៍ហង្សមាស HDTV កំពុងតែទទួលបានការគាំទ្រយ៉ាងខ្លាំងជន់ជោរដូចទឹកបាក់ទំនប់ដែលធ្វើឱ្យរឿងកូនពស់កេងកងក្លាយជារឿងភាគខ្មែរដែលមានចំនួនអ្នកទស្សនាតាមបណ្តាញសង្គមហ្វេសប៊ុកច្រើនបំផុតមិនធ្លាប់មាន ។
ជាក់ស្តែងមួយរយៈក្រោយនេះរាល់វីដេអូពិសេសៗរបស់រឿងកូនពស់កេងកងទទួលបានការទស្សនាលឿនដូចព្យុះគឺមានចំនួនដល់ទៅរាប់រយពាន់ត្រឹមពីរបីម៉ោងក្រោយការបង្ហោះប៉ុណ្ណោះ ។ មិនត្រឹមតែប៉ុណ្ណឹងវីដេអូពិសេសៗរបស់រឿងកូនពស់កេងកងទទួលបានចំនួនទស្សនាច្រើនជាងមួយលានដងជាច្រើនវីដេអូផងដែរ ។
អ្វីដែលកាន់តែអស្ចារ្យនោះគឺរឿងកូនពស់កេងកងក្លាយជារឿងភាគខ្មែរដំបូងគេបង្អស់ដែលមានអ្នកទស្សនាការ Live តាមហ្វេសប៊ុកច្រើនបំផុតដល់ទៅ 10.3 K ឯណោះ ។ គួរបញ្ជាក់ផងដែរថា នេះគឺជាចំនួនទស្សនាការ Live តាមហ្វេសប៊ុកច្រើនបំផុតសម្រាប់រឿងភាគខ្មែរបន្ទាប់ពីរឿង ផ្កាថ្ម ដែលមានអ្នកទស្សនាច្រើនបំផុតត្រឹម 10K ប៉ុណ្ណោះ ។ ទាំងនេះគឺបង្ហាញពីសញ្ញាវិជ្ជមាននូវភាពជោគជ័យសម្រាប់រឿងភាគខ្មែរដែលទទួលបានការគាំទ្រយ៉ាងផុសផុលពីបណ្តាទស្សនិកជនក្នុងស្រុកក៏ដូចជាក្រៅប្រទេសផងដែរ ។
គួរបញ្ជាក់ផងដែរថា នេះគឺជាខ្សែភាពយន្តភាគទី ៤ ហើយរបស់ស្ថានីយទូរទស្សន៍ហង្សមាស ដែលទទួលបានការគាំទ្រយ៉ាងខ្លាំងជាបន្តបន្ទាប់ ។ មានមិតិជាច្រើនបាននិយាយនៅលើបណ្តាញសង្គមដោយសុំឱ្យហង្សមាសបន្តផលិតរឿងភាគខ្មែរដែលមានគុណភាព ដូចនេះឲ្យបានច្រើនបន្តបន្ទាប់ទៀតព្រោះគេ សង្តេតឃើញថាមានតែហង្សមាសទេដែលផលិតរឿងភាគខ្មែរបានល្អមិនចាញ់ប្រទេសជិតខាងឡើយ៕
សូមទស្សនាវីដេអូខាងក្រោម៖
https://www.facebook.com/watch/?v=2343947569227158
https://www.facebook.com/watch/?v=324981698412186
https://www.facebook.com/watch/?v=2167977159968274
https://www.facebook.com/watch/?v=2508505825881623
https://www.facebook.com/watch/?v=196168854634172
https://www.facebook.com/watch/?v=455388638580308
https://www.facebook.com/watch/?v=833036667071157
