ដឹងតែកក្រើកទៀតហើយ ! ថ្ងៃអាទិត្យនេះជួបគណៈកម្មការ ៤ រូប ៤ រសជាតិ ក្នុងកម្មវិធី X Factor Cambodia (វីដេអូ)
ទីបំផុតកម្មវិធីដែលគ្រប់គ្នាទន្ទឹងរង់ចាំ X-Factor Cambodia នឹងចាប់ផ្តើមធ្វើការចាក់ផ្សាយដំបូងបំផុត គឺវគ្គ Judge Audition សប្តាហ៍ទី ១ ហើយនៅថ្ងៃអាទិត្យសប្តាហ៍នេះគឺថ្ងៃទី ៧ ខែកក្កដា ឆ្នាំ ២០១៩ វេលាម៉ោង ៨ យប់ នៅលើកញ្ចក់ទូរទស្សន៍ហង្សមាស HDTV ។
ហើយអ្វីដែលកាន់តែកន្ត្រាក់អារម្មណ៍ទស្សនិកជនឱ្យកាន់តែពុះកញ្ជ្រោលចំពោះកម្មវិធីប្រឡងចម្រៀងលំដាប់ពិភពលោកថ្មីមួយនេះនោះ គឺបានប្រមូលផ្តុំគណៈកម្មការសុទ្ធតែជាតារាលំដាប់កំពូលប្រចាំ ប្រទេស ៤ រូប ៤ រសជាតិផ្សេងគ្នា គឺមានលោក ខេមរៈ សិរីមន្ត អ្នកនាង ឱក សុគន្ធកញ្ញា លោក ណុប បាយ៉ារិទ្ធ និង កញ្ញា សុខ សីឡាលីន ។ វត្តមានកំពូលតារាចម្រៀងទាំង ៤ សម្រាប់កម្មវិធីថ្មីមួយនេះ ពិតធ្វើឱ្យទស្សនិកជនរំភើបរំជើបរំជួលមិនស្ទើរទេ ។
រង់ចាំទស្សនាកុំខនខាននៅថ្ងៃអាទិត្យ ទី ៧ ខែកក្កដា ឆ្នាំ ២០១៩ នេះវេលាម៉ោង ៨ យប់ នៅលើកញ្ចក់ទូរទស្សន៍ហង្សមាស HDTV ។ កម្មវិធីប្រឡងចម្រៀងដ៏ល្បីរន្ទឺ នេះដែលបានចូលរួមឧបត្ថម្ភផ្តាច់មុខដោយភេសជ្ជៈប៉ូវកំលាំង វើក ទឹកក្រូច អាយស៍ កូឡា និង ទឹកបរិសុទ្ធកម្ពុជា ៕
