មិនធម្មតាទេ! បេក្ខនារី Got Talent ម្នាក់ដេញព្យាណូឱ្យឆ្កែច្រៀងតាម បង្កការភ្ញាក់ផ្អើលយ៉ាងខ្លាំង (វីដេអូ)
មានបេក្ខជន បេក្ខនារី ជាច្រើននៅជុំវិញពិភពលោកបានមកបង្ហាញទេពកោសល្យរបស់ខ្លូននៅលើឆាក America’s Got Talent ឆ្នាំ ២០១៨ ដ៏អស្ចារ្យនេះដោយទាក់ទាញចំណាប់អារម្មណ៍អ្នកទស្សនាជាច្រើនពីទស្សនីយភាពសម្ដែងប្លែកៗ ។
ដោយឡែកបេក្ខនារីដ៏អស្ចារ្យម្នាក់ឈ្មោះ Pam បានដឹកឆ្កែសំណព្វចិត្តរបស់នាងឈ្មោះ Oscar មកឡើងច្រៀងលើឆាក America’s Got Talent ដែលបានបង្កភាពភ្ញាក់ផ្អើលជាខ្លាំង ។ Pam បានអង្គុយដេញព្យាណូ ហើយឆ្កែរបស់នាងបានច្រៀងតាមភ្លេងដែលនាងដេញដោយធ្វើឲ្យទស្សនិកជនដែលបានទស្សនាប្លែកភ្នែកប្លែកអារម្មណ៍ខ្លាំងតែម្តង ។
ទោះបីជានាងទទួលបានការអបអរពីទស្សនិកជនយ៉ាងច្រើន ជាពិសេសពីគណកម្មការលោក Simon ក៏ដោយតែនាងទទួលបានត្រឹមតែ YES បី តែប៉ុណ្ណោះ តែវាក៏គ្រប់គ្រាន់សម្រាប់នាង និង ឆ្កែដ៏ឆ្លាតមួយនេះសម្រាប់ឡើងទៅវគ្គបន្តផងដែរ ។
America’s Got Talent បានបញ្ចប់វគ្គ Judge Audition ហើយត្រឹមរយៈពេល ៦ សប្តាហ៍ ហើយនៅកម្ពុជា យើងវិញកម្មវិធី Cambodia’s Got Talent កំពុងតែត្រៀមចាក់ផ្សាយរដូវកាលទីពីររបស់ខ្លួនហើយនៅថ្ងៃទី ៥ ខែសីហា ឆ្នាំ ២០១៨ ខាងមុខនេះ ៕
