Ajinomoto Co., Inc. បានក្លាយជាអ្នកឧបត្ថម្ភធំនៃស៊ីហ្គេមលើកទី ៣១ ដែលនឹងប្រព្រឹត្តទៅក្នុងប្រទេសវៀតណាម
ទីក្រុងតូក្យូ ថ្ងៃទី 25 ខែមករា ឆ្នាំ 2022 ៖ ក្រុមហ៊ុន Ajinomoto Co., Inc. (“Ajinomoto Co.”) បានចុះហត្ថលេខាលើកិច្ចព្រមព្រៀង ដើម្បីទទួលជាអ្នកឧបត្ថម្ភផ្លូវការនៃការប្រកួតកីឡាអាស៊ីអាគ្នេយ៍លើកទី 31 “ស៊ីហ្គេម” ដែលនឹងត្រូវធ្វើឡើងនៅប្រទេសវៀតណាម ក្នុងខែឧសភា ឆ្នាំ 2022 ។ ក្រុមហ៊ុន Ajinomoto Co. នឹងផ្តល់ការគាំទ្រក្នុងនាមជាអ្នកឧបត្ថម្ភធំនៃស៊ីហ្គេម។
ស៊ីហ្គេមត្រូវបានប្រារព្ធឡើងរៀងរាល់ពីរឆ្នាំម្តង ដើម្បីជួយពង្រឹងកិច្ចសហប្រតិបត្តិការក្នុងតំបន់ ការយល់ដឹង និង ការឯកភាពគ្នាក្នុងសហគមន៍អាស៊ីអាគ្នេយ៍។ វាគឺជាព្រឹត្តិការណ៍កីឡាដ៏ធំបំផុតដែលប្រារព្ធឡើងនៅអាស៊ីអាគ្នេយ៍ ដែលទាក់ទាញការចាប់អារម្មណ៍ពីមនុស្សសរុបជាង 600 លាននាក់នៅក្នុងតំបន់។ សម្រាប់ព្រឹត្តិការណ៍ឆ្នាំនេះនៅប្រទេសវៀតណាម Ajinomoto Co. នៅតែជាអ្នកឧបត្ថម្ភធំដូចឆ្នាំមុនដែរ។
សូមជម្រាបថា ក្រុមហ៊ុន Ajinomoto Co., Inc. បានវិនិយោគបង្កើតជារោងចក្រនៅក្នុងប្រទេសកម្ពុជានាថ្ងៃទី 1 ខែកញ្ញា ឆ្នាំ 2009 ក្នុងលក្ខខណ្ឌជា «គម្រោងវិនិយោគដែលមានលក្ខណៈសម្បត្តិគ្រប់គ្រាន់» ។ រោងចក្រ AJINOMOTO (CAMBODIA) មានទីតាំងនៅ តំបន់សេដ្ឋកិច្ចពិសេស ភ្នំពេញ (PPSEZ) ដែលមានសង្វាក់ផលិតកម្ម វេចខ្ចប់ ប៊ីចេង “អាជី-ណូ-ម៉ូតូ” ផលិតម្សៅស៊ុប “រ៉តឌី” និងនាំចូលផលិតផលផ្សេងទៀតដូចជា កាហ្វេ “ប៊ឺឌី” មី “យ៉ាំយ៉ាំ” និង “ម្សៅបំពងស្រួយ” ។ បច្ចុប្បន្ននេះ AJINOMOTO (CAMBODIA) ដំណើរការដេប៉ូលក់ចំនួន 5 ជាមួយនឹងភ្នាក់ងារលក់ជាច្រើនក្រុម ដែលជារៀងរាល់ថ្ងៃពួកគាត់អាចចុះទៅជួបផ្ទាល់តាមហាងលក់ទំនិញនីមួយៗបានទូទាំងប្រទេស ។ AJINOMOTO (CAMBODIA) មានគោលបំណងក្លាយជា «ក្រុមហ៊ុនអាហារដែលមានការទទួលស្គាល់ខ្លាំងជាងគេក្នុងប្រទេសកម្ពុជា និង ចូលរួមចំណែកដោះស្រាយរាល់បញ្ហាអាហារ និងសុខមាលភាព» ។
កិច្ចព្រមព្រៀង៖
(1) ខ្លឹមសារនៃកិច្ចសន្យា៖ ការឧបត្ថម្ភ (អ្នកឧបត្ថម្ភធំបំផុត)
(2) សិទ្ធិដែលត្រូវបានផ្តល់ទៅឱ្យក្រុមហ៊ុន Ajinomoto Co. ៖ ការប្រើប្រាស់ “អ្នកឧបត្ថម្ភធំបំផុត”
ការរចនាផ្សេងដោយប្រើស្លាកសញ្ញាផ្លូវការនៃស៊ីហ្គេម, ការដាក់តាំងបង្ហាញផ្ទាំងផលិតផលផ្សេងៗ។
(3) ប្រភេទកិច្ចសន្យា៖ ប្រភេទផ្តាច់មុខ (គ្រប់តំបន់ក្នុង៖ 11 ប្រទេសដែលបានចូលរួម
ប្រភេទមិនផ្តាច់មុខ (គ្រប់តំបន់ក្នុង ៖ 11 ប្រទេសដែលបានចូលរួម) Amino acid-based និងចាហួយ
កាហ្វេកំប៉ុង និងដប ម្សៅកាហ្វេ និង តែ។
(គ្រប់តំបន់ទាំងអស់ ដោយមិនរាប់បញ្ចូលប្រទេសវៀតណាម ៖ ប្រទេសចូលរួមចំនួន 10) មីកញ្ចប់
អាហារកក និងនំប៉័ងកក។
