អស់ក្តីបារម្ភពីគុណភាព ព្រោះ OPPO Find X កាន់តែធ្វើឲ្យអតិថិជនជឿជាក់ជាមួយគុណសម្បត្តិទាំងអស់នេះ !
OPPO Find X ត្រូវបានដាក់សម្ពោធជាផ្លូវការអស់រយៈពេលជាងមួយខែកន្លងមកនេះ បានទទួលការយកចិត្តទុកដាក់ខ្លាំងជាងទូរស័ព្ទចល័តមុនៗ ហើយទម្រង់អេក្រង់ថ្មីដ៏ទូលាយពេញគែមដែលមានមូលដ្ឋានលើរចនាប័ទ្មកាមេរ៉ាបង្កប់ ដែលមានលក្ខណៈងើបឡើង និង លឹបចុះបាន ធ្វើឱ្យវាក្លាយជាប្រធានបទដ៏ក្តៅបំផុតសម្រាប់អ្នកដែលចូលចិត្តប្រើទូរស័ព្ទស្មាតហ្វូនទាំងឡាយ ។
ទោះបីជាយើងមានការយល់ដឹងជាទូទៅអំពីស្មាតហ្វូននេះរួចហើយក៏ដោយ ក៏នៅតែមានព័ត៌មានលម្អិតជាច្រើនទៀតដែលអ្នកប្រើប្រាស់អាចខ្វល់ខ្វាយ តើទូរស័ព្ទនេះមានគុណសម្បត្តិអ្វីខ្លះ? តើវាបានបំពេញលក្ខខណ្ឌស្ដង់ដារនៃការផលិតដែរឬទេ? តើអាយុកាលនៃការងើបឡើង និង លឹបចុះរបស់កាមេរ៉ាត្រូវបានធានាដែរ ឬទេ?
គុណសម្បត្តិរបស់ OPPO Find X
ស្មាតហ្វូនកំពូលរបស់ OPPO មួយនេះមានចំណុចពិសេសៗច្រើនដែលអ្នកប្រើប្រាស់ទាំងអស់គួរតែបានដឹង រួមមានដូចជា៖ អេក្រង់លាតពេញបែប Panoramic ដែលវាធ្វើឲ្យ OPPO Find X មួយនេះមានភាពឡូយជាងទូរស័ព្ទផ្សេងទៀត ព្រោះមើលទៅវាស្ទើរតែគ្មានសល់គែមទេ ហើយវិមាត្រនៃផ្ទៃអេក្រង់ទាំងមូលមានទំហំរហូតដល់ ៩៣.៨% ដែលវាធំជាងគេនាពេលបច្ចុប្បន្ន ។
មួយវិញទៀត កាមេរ៉ា 3D បង្កប់ខ្លួនក៏ជាភាពទាក់ទាញមួយរបស់ OPPO Find X វាមានលក្ខណៈទំនើបដែរទាំងកាមេរ៉ាមុខ និង កាមេរ៉ាក្រោយត្រូវបានលាក់បង្កប់ក្នុងតួនៃទូរស័ព្ទ វាងើបឡើងនៅពេលដែលយើងប្រើប្រាស់នូវមុខងារកាមេរ៉ា និង ស្កេនមុខប៉ុណ្ណោះ ។ លើសពីនេះទៀត វាមានកំលាំងម៉ាស៊ីនខ្លាំងកប់ ដែលប្រើប្រាស់នូវឈីបSnapdragon 845 ជំនាន់ចុងក្រោយ ហើយបំពាក់មកនូវ RAM ទំហំ 6GB និង ROM ទំហំ 256GB ហើយវាក៏បានបំពាក់មកនូវមុខងារថ្មីៗជាច្រើនផងដែរ ។
ការធ្វើតេស្តពិសោធន៍អំពីគុណភាព
OPPO Find X ត្រួវតែឆ្លងកាត់បន្ទប់ពិសោធន៍ QE ក្នុងការធ្វើតេស្តយ៉ាងហ្មត់ចត់ដូចជា ការធ្វើតេស្តទៅលើការធ្លាក់ ការបើកកាមេរ៉ាឡើងចុះ ការតេស្តលើប៊ូតុងចុច និង ការការពារទឹក និង ធូលីជាដើម ។ ល ។ ដែលជាការពិសោធន៍ទូទៅលើគុណភាពផលិតផល ហើយទោះក្នុងដំណាក់កាលនៃការផលិតចំនួនច្រើន ក៏នៅតែមានការដកនូវគំរូសម្រាប់ធ្វើការពិសោធន៍ផងដែរ ដើម្បីឲ្យកាន់តែធានាបាននូវគុណភាព ។
ចំពោះការធ្វើតេស្តក្នុងបន្ទប់ពិសោធន៍យ៉ាងណានោះ សូមទស្សនាការបង្ហាញដូចខាងក្រោម៖
– ការធ្វើតេស្តទៅលើការធ្លាក់
– ការបើកកាមេរ៉ាឡើងចុះ
– ការតេស្តលើប៊ូតុងចុច
– ការតេស្តលើការការពារធូលី
រីឯការពិសោធន៍ចំពោះការឡើងចុះនៃកាមេរ៉ាវិញ OPPO Find X ត្រូវបានធ្វើតេស្តពិសោធន៍ដល់ទៅជាង ៣០ ម៉ឺនដង ដែលនេះអាចធានាបាននូវការប្រើប្រាស់រហូតដល់រយៈពេល ៥ ឆ្នាំ ដូចនេះវាលែងជាការបារម្មណ៍ទៀតហើយ ។
សូមរំឭកផងដែរថា OPPO Find X ត្រូវបានប្រកាសសម្ពោធជាផ្លូវការនៅកម្ពុជាកាលពីថ្ងៃទី ២០ ខែកក្កដា ឆ្នាំ២០១៨ ហើយនឹងមានលក់នៅទីផ្សារស្រុកខ្មែក្នុងតម្លៃ ៨៩៩ ដុល្លារនាថ្ងៃទី ៥ ខែសីហានេះហើយ ៕
