អស្ចារ្យខ្លាំងណាស់! លោកយាយវ័យ ៧១ ឆ្នាំ បញ្ចេញក្បាច់រាំរហូតទទួលបានប៊ូតុងមាសពីគណកម្មការ (វីដេអូ)
កម្មវិធីដែលកំពុងតែកក្រើកខ្លាំងគឺ America’s Got Talent កំពុងតែបន្តនៅក្នុងវគ្គ Judge Cut ហើយមានបេក្ខជនជាច្រើនរូបបានបញ្ចេ ញទេពកោសល្យដ៏អស្ចារ្យជាច្រើន ។
នៅក្នុងសប្តាហ៍នេះលោកយាយអាយុ ៧១ ឆ្នាំបានចាប់ដៃគូជាមួយបុរសវ័យក្មេងដើម្បីបង្ហាញក្បាច់រាំយ៉ាងល្វតល្វន់មើលសឹងមិនគួរឲ្យជឿរ ។ ថ្វីត្បិតគាត់មានអាយុច្រើនខ្លាំងតែទាំងរូបរាងទាំងកាយសម្បទារមើលទៅគឺពិតជាមិននឹកស្មានថាគាត់មានអាយុច្រើនហើយអាចបញ្ចេញសមត្ថភាពបានដល់ម្លឹងសោះ ។
ទីបំផុតគាត់ក៏ទទួលបានប៊ូតុងមាសពីគណកម្មការ ពិសេសគឺលោកស្រី Martina McBride ដែលធ្វើឲ្យទស្សនិកជនគ្រប់គ្នាស្រែកហ៊ោរទប់ទឹកភ្នែកមិនជាប់ ។
ចំណែកឯកម្ពុជាយើងវិញក៏មានកម្មវិធីដែលពិភពលោកកំពុងពេញនិយមនេះផងដែរ ដែលកម្មវិធី Cambodia’s Got Talent កំពុងតែត្រៀមចាក់ផ្សាយក្នុងពេលដ៏ខ្លីខាងមុននេះហើយ គឺនៅថ្ងៃទី ៥ ខែសីហា ឆ្នាំ ២០១៨ នៅលើកញ្ចក់ទូរទស្សន៍ហង្សមាស HDTV ៕
