សិសិររដូវក្នុងបេះដូង ធ្វើឱ្យទស្សនិកជនដក់អារម្មណ៍ខ្លាំង (មានវីដេអូ)
រឿង «សិសិររដូវក្នុងបេះដូង» បានធ្វើឱ្យមានការចាប់អារម្មណ៍យ៉ាងខ្លាំងពីអ្នកទស្សនា បន្ទាប់ពីរឿងនេះបានចាក់បញ្ចាំងនៅលើកញ្ចក់ទូរទស្សន៍ហង្សមាស HDTV ។ តាំងពីបានទស្សនារឿង «សិសិរ រដូវក្នុងបេះដូង» ពីភាគទី ១ រហូតដល់ភាគទី ៦ នេះ គឺបានទទួលការគាំទ្រយ៉ាងខ្លាំងដោយមានការ ជជែកពីរឿងភាគមួយនេះលើបណ្តាញសង្គមយ៉ាងច្រើន ហើយមានទស្សនិកជនបានជក់ចិត្ត និង ដក់អារម្មណ៍ជាមួយនឹងសាច់រឿងបែបមនោសញ្ចេតនានេះ រហូតមានអ្នកខ្លះពេលទស្សនាហើយថែមទាំងចូលតួជាមួយសាច់រឿងទៀតផង ។
ទើបតែចាក់បញ្ចាំងបាន ៦ ភាគប៉ុណ្ណោះ រឿងភាគដ៏កម្សត់មួយនេះទទួលបានការចាប់អារម្មណ៍ និង គាំទ្រយ៉ាងខ្លាំងពីទស្សនិកជនទៅហើយ ។ ពិតជាមិនសរសើរមិនបានចំពោះការសម្តែង និង រូបភាពពណ៌ដ៏ត្រជាក់ភ្នែក ដែលពិតជាមិនធ្វើឱ្យទស្សនិកជនខកបំណងឡើយក្នុងការទស្សនារឿងភាគខ្មែររបស់ហង្សមាសនេះ។
ហើយអ្វីដែលកាន់តែពិសេសជាងនេះទៅទៀតនោះ ទស្សនិកជនទាំងអស់ក៏មានឱកាសទទួលបានវត្ថុអនុស្សាវរីយ៍ដ៏ស្រស់ស្អាតយ៉ាងច្រើនផងដែរ ដោយគ្រាន់តែឆ្លើយសំណួរងាយៗពីក្នុងរឿងនេះតាមរយៈទំព័រហ្វេសប៊ុកផ្លូវការ Hang Meas Khmer Drama ។ សូមបញ្ជាក់ផងដែរថា រឿង «សិសិររដូវក្នុងបេះដូង» មានចាក់បញ្ចាំងជូនទស្សនានៅរៀងរាល់ថ្ងៃចន្ទ អង្គារ ពុធ ចាប់ពីម៉ោង ៨ យប់តទៅ ៕
