ស្ទើរមិនហ៊ានព្រិចភ្នែក! ជាមួយក្រុមរាំដ៏អស្ចារ្យដែលទទួលបានប៊ូតុងមាសកាលពីយប់មិញ (វីដេអូ)
ពិតជាមិនធម្មតានោះទេ! កាលពីយប់មិញនេះនៅក្នុងកម្មវិធី Cambodia’s Got Talent មានក្រុមរាំមួយក្រុមបានបង្កភាពភ្ញាក់ផ្អើលយ៉ាងខ្លាំងជាមួយការរាំជាក្រុមដ៏អស្ចារ្យបំផុត ។ ក្រុមរាំដែលមានសមាជិកច្រើនរហូតដល់ ១៧ នាក់នោះមានឈ្មោះថា The King បានចូលមកបង្ហាញសមត្ថភាពការរាំជាក្រុមដ៏រស់រវើក និង យ៉ាងប្លែកភ្នែកសម្រាប់ទស្សនិកជនក៏ដូចជាគណកម្មការផងដែរ ។
ក្បាច់រាំដ៏ស្រុះគ្នាទាំង ១៧ នាក់រួមជាមួយនឹងការបញ្ចូលបទល្ខោនខោលរបស់អ្នកនាង ខាត់ សុឃីម បទ «ចាំបងមានសិន» របស់លោក ព្រាប សុវត្ថិ និង សំឡេងកំប្លែងរបស់នាយកុយ និង នាយក្រឹម ដែលបង្កបានជាទស្សនីយភាពដ៏គួរឲ្យជក់ចិត្ត ។
ក្រៅពីទទួលបានការគាំទ្រយ៉ាងពេញទំហឹងពីទស្សនិកជនដែលទស្សនាផ្ទាល់ ក្រុមរាំ The King ថែមទាំងទទួលបានប៊ូតុងមាសពីគណកម្មការលោក ព្រាប សុវត្ថិ ផងដែរ ។ នេះជាសប្តាហ៍ទី ២ ហើយរបស់កម្មវិធី Cambodia’s Got Talent ក្នុងវគ្គ Judge Audition ដែលចាក់ផ្សាយរៀងរាល់ថ្ងៃអាទិត្យ វេលាម៉ោង ៨ យប់នៅលើកញ្ចក់ទូរទស្សន៍ហង្សមាស HDTV ៕
សូមទស្សនាវីដេអូក្រុមរាំ The King ខាងក្រោមនេះ៖
