កប់ហ្ម៉ង! ព្រាប សុវត្ថិ បង្ហាញមុខរាល់សប្តាហ៍ក្នុងកម្មវិធីលំដាប់ពិភពលោកកំពូលៗ
កំពូលតារាចម្រៀងដ៏ល្បីល្បាញមិនស្រកស្រុតរាប់ទសវត្សរ៍មកហើយនោះ គឺលោក ព្រាប សុវត្ថិ នៅតែរក្សាបានប្រជាប្រិយភាព និង ការគាំទ្រពីទស្សនិកជន ហើយនៅតែមានឈ្មោះជាតារាចម្រៀងប្រុសលេខមួយសម្រាប់ប្រទេសកម្ពុជា ។
នៅ ហង្សមាស ក្រៅពីច្រៀង លោក ព្រាប សុវត្ថិ ក៏ទទួលដំណែងជាគណកម្មការក្នុងកម្មវិធីប្រកួតប្រជែងសមត្ថភាពលំដាប់ថ្នាក់ពិភព លោក Cambodia’s Got Talent និង ជាគ្រូបង្វឹកក្នុងកម្មវិធីប្រលងចម្រៀងកុមារដ៏ល្បីពេញពិភពលោក The Voice Kids Cambodia ផងដែរ ។
ជាក់ស្តែងកម្មវិធីទាំងពីរដែលលោក ព្រាប សុវត្ថិ កំពុងមានវត្តមាននេះ គឺកំពុងចាក់ផ្សាយព្រមគ្នាតែម្តង គឺកម្មវិធី The Voice Kids Cambodia នៅរសៀលថ្ងៃសៅរ៍ វេលាម៉ោង ៨ យប់ និង កម្មវិធី Cambodia’s Got Talent នៅរៀងរាល់ថ្ងៃអាទិត្យ វេលាម៉ោង ៨ យប់ ដែលកម្មវិធីទាំង ២ នេះមានចាក់ផ្សាយនៅលើកញ្ចក់ទូរទស្សន៍ហង្សមាស HDTV ៕
