ស្ងាត់ៗ Pancake និង តារាថៃល្បីៗច្រើនរូប មកកម្ពុជាចូលរួមកម្មវីធី TEERAPORN Exclusive Meet & Greet ឡើងផ្អើលហ្វេន
ភ្នំពេញ ថ្ងៃទី ២៤ ខែតុលា ឆ្នាំ ២០២៤៖ មន្ទីរពេទ្យកែសម្ផស្ស ធីរ៉ៈផន (TEERAPORN) ដែលជាមជ្ឈមណ្ឌលកែសម្ផស្សលំដាប់ឈានមុខគេជាមួយបទពិសោធច្រើនជាង ៤០ ឆ្នាំ នៅប្រទេសថៃ បានពង្រីកសេវាកម្មរបស់ខ្លួននៅកម្ពុជាតាមរយៈកម្មវិធីជំនួបពិសេស TEERAPORN Exclusive Meet & Greet ដែលផ្ដល់ឱកាសជាពិសេសដល់សាធារណជនឱ្យទទួលបាននូវសេវាប្រឹក្សាយោបល់អំពីការកែសម្ផស្សដោយឥតគិតថ្លៃ ព្រមទាំងអាចជួបផ្ទាល់ជាមួយក្រុមវេជ្ជបណ្ឌិតល្បីៗរបស់ខ្លួនមកពីប្រទេសថៃផ្ទាល់ និង តារាថៃដ៏ល្បីលំដាប់ជួរមុខគឺ ផេនខេក (Pancake Khemnit)។
អ្នកគាំទ្រទាំងអស់ពិតជាមានសំណាងដោយបានជួបជាមួយ ផេនខេក (Pancake Khemnit) ដោយផ្ទាល់ ក្រៅពីនេះតារាកិត្តិយសជា Super Star ដែលមកពីប្រទេសថៃក៏បានលើកឡើងពីសេវាកម្មដែលពួកគាត់បានទទួលនៅ ធីរ៉ៈផន រាប់ឆ្នាំហើយថាពិតជាល្អ បង្កើនសម្រស់របស់ពួកគាត់ឱ្យកាន់តែទាក់ទាញ និង ជាពិសេសនោះមិនមានបន្សល់ស្លាកស្នាម ព្រមទាំងផលវិបាកអ្វីផ្សេងឡើយ។
ក្នុងនោះក៏មានអតិថិជននៅកម្ពុជា បានឡើងមកបង្ហាញពីចំណាប់អារម្មណ៍ និង កោតសរសើរនូវសេវាកម្មដែលពួកគាត់បានទទួល ដោយលើកឡើងថាគ្រូពេទ្យរបស់ ធីរ៉ៈផន ផ្តល់ប្រឹក្សាចំពោះសេវាកម្ម និង មានភាពច្បាស់លាស់ មានជំនាញឯកទេសរាប់សិបឆ្នាំមកហើយ។
ក្រោយពីបានសំណេះសំណាល Super Star ដែលមកពីប្រទេសថៃបានថតរូបជាអនុស្សារីយ៍ជាមួយអ្នកគាំទ្រ។ ជាពិសេសសាធារណជន ទទួលបាននូវសេវាប្រឹក្សាយោបល់អំពីការកែសម្ផស្សដោយឥតគិតថ្លៃជាមួយក្រុមវេជ្ជបណ្ឌិតល្បីៗរបស់ ធីរ៉ៈផន មកពីប្រទេសថៃផ្ទាល់ ថែមទាំងមានប្រូម៉ូសិន និងមានតែមួយគត់សម្រាប់ប្រជាជនកម្ពុជា ដែលនេះជាបទពិសោធដ៏ពិសេសមួយមិនអាចបំភ្លេចបាន។
កម្មវិធីដ៏ពិសេសនេះ បានរៀចចំធ្វើឡើងនៅសណ្ឋាគារ Hyatt Regency Phnom Penh កាលពីថ្ងៃទី ២៤ ខែតុលា ឆ្នាំ ២០២៤ នេះបង្ហាញពីការពង្រឹកវិសាលភាពរបស់មន្ទីរពេទ្យកែសម្ផស្សដ៏ល្បីរបស់ថៃមួយនេះនៅកម្ពុជា ដោយនាំមកនូវបទពិសោធជំនាញស្ដង់ដាលំដាប់អន្តរជាតិផ្នែកព្យាបាលកែសម្ផស្សសម្រាប់អតិថិជនថ្មីៗនៅកម្ពុជា។
តំណាងមន្ទីរពេទ្យកែសម្ផស្ស ធីរ៉ៈផន ប្រចាំនៅកម្ពុជា បានថ្លែងឱ្យដឹងថា ៖ «យើងពិតជាមានក្ដីសោមនស្សរីករាយបំផុតដែលបានពង្រីកសេវាកម្មរបស់យើងមកកាន់កម្ពុជា ដោយនាំមកនូវជំនាញបទពិសោធប្រកបដោយវិជ្ជាជីវៈកម្រិតស្ដង់ដាខ្ពស់ដើម្បីបម្រើជូននូវតម្រូវការរបស់ប្រជាជនកម្ពុជា។ កម្មវិធីនេះ នឹងរួមចំណែកផ្សារភ្ជាប់ទំនាក់ទនងរវាងមន្ទីរពេទ្យកែសម្ផស្សយើងខ្ញុំ និងអតិថិជនក្នុងស្រុកដែលចង់បានសេវាកែសម្ផស្សស្ដង់ដារអន្តរជាតិប្រកបដោយទំនុកចិត្តខ្ពស់ ក៏ដូចជាឱកាសឱ្យយើងជួយពួកគាត់សម្រេចនូវក្ដីសុបិនទទួលបាននូវសម្រស់ស្រស់ស្អាតដែលខ្លួនប្រាថ្នាផងដែរ»។
សម្រាប់ព័ត៌មានបន្ថែមអំពីមន្ទីរពេទ្យកែសម្ផស្ស ធីរ៉ៈផន សូមទាក់ទងមកកាន់ 012 790 686 ឬតាមដានទំព័រហ្វេសប៊ុកមន្ទីរពេទ្យកែសម្ផស្ស ធីរ៉ៈផន (TEERAPORN)៖ https://www.facebook.com/@teerapornsurgeryhospital។
