កុំភ្លេចរង់ចាំទស្សនាកម្មវិធី Cambodian Idol រដូវកាលទី ៣ សប្តាហ៍ទី ២ នឹងមានអ្វីប្លែក ! (មានវីដេអូ)
ពិតជាមិនធម្មតាមែន កម្មវិធី Cambodian Idol រដូវកាលទី ៣ សប្តាហ៍ទី ១ កន្លងមកនេះគឺបេក្ខជនដំបូងគេ ឈ្មោះ ចាប សក្កណា មកពីក្រុងភ្នំពេញបានធ្វើឱ្យគណកម្មការទាំង ៤ រូបឆ្លើយ Yes ព្រមគ្នាតែម្តង ។ ចាប សក្កណា មានអាយុ ២០ ឆ្នាំ បានច្រៀងបទ «គួរហាមចិត្តខ្លះ» ហើយក្រោយពីច្រៀងចប់គណកម្មការ ទាំង ៤ រូបបានពេញចិត្តគ្រប់គ្នាព្រមទាំងបានឆ្លើយ Yes ព្រមគ្នាតែម្តង ។ តាមរយៈទឹកដមសំឡេង ចាប សក្កណា គឺជាបេក្ខជនមួយរូបដែលលេចធ្លោផងដែរនៅក្នុងវគ្គ Judge Audition សប្តាហ៍ទី ១ នៃកម្មវិធី Cambodian Idol រដូវកាលទី ៣ នេះ ។
សូមបញ្ជាក់ផងដែរថា កម្មវិធី Cambodian Idol រដូវកាលទី ៣ សប្តាហ៍ទី ២ នឹងប្រព្រឹត្តទៅនៅសប្តាហ៍ ក្រោយដែលនឹងមានបេក្ខជនជាច្រើនរូបមកបង្ហាញសមត្ថភាពច្រៀងនៅចំពោះមុខគណកម្មការទាំង ៤ រូប ដែលពួកគេសុទ្ធតែជាជើងខ្លាំងដោយមានសំឡេងល្អៗ ។ ដូច្នេះសូមរង់ចាំទស្សនាកម្មវិធី Cambodian Idol រដូវកាលទី ៣ វគ្គ Judge Auditions សប្តាហ៍ទី ២ ខាងមុខនេះថាតើពួកគេច្រៀងបានល្អ និង ទាក់ ទាញបានដល់កម្រិតណា ហើយនឹងមានអ្វីពិសេសៗទៀត ? ៕
