មកស្គាល់កីឡាករតម្លៃខ្លួនថ្លៃជាងគេ ក្នុងទីផ្សារដោះដូរ Premier League រដូវកាលនេះ

ទីផ្សារដោះដូរកីឡាករ នៅលីគកំពូលអង់គ្លេស បានបិទបញ្ចប់ជាផ្លូវការហើយ កាលពីថ្ងៃទី ០៥ ខែតុលា ឆ្នាំ​ ២០២០ កន្លង ទៅនេះ ។ អ្វីដែលគួរឱ្យកត់សម្គាល់ ក្នងការដោះដូរកីឡាករក្នុងរដូវកាលនេះ មានតម្លៃមិនច្រើនដូចកាលពីឆ្នាំមុនៗឡើយ ព្រោះក្លិបនីមួយៗ បានព្យាយាមកាត់បន្ថយការចំណាយតាមតែអាចធ្វើទៅបាន ខណៈនៃការរាតត្បាតនៃជំងឺកូវីដ១៩។

ក្នុងនោះដែរ កីឡាករដែលមានតម្លៃផ្ទេរថ្លៃជាងគេបង្អស់ នៅក្នុងការដោះដូរឆ្នាំនេះ គឺជាកីឡាករ ខ្សែប្រយុទ្ធកណ្តាល Kai Havertz ដែលបានផ្លាស់ពីក្លិប ​Bayer 04 Leverkusen ទៅកាន់ Chelsea ក្នុងតម្លៃខ្លួន ៨១ លានអឺរ៉ូ ជាមួយនឹងកុងត្រារយៈពេល ៥ ឆ្នាំ ។

ការផ្ទេរចេញនេះ បានធ្វើឱ្យកីឡាករអាល្លឺម៉ង់វ័យ ២១ ឆ្នាំរូបនេះ បានទទួលតម្លៃខ្លួនដ៏មហិមារមិនធ្លាប់មានក្នុងអាជីព ចាប់តាំងពីលេងបាល់ទាត់មក ។  គួរឱ្យដឹងថា កីឡាកររូបនេះ បានចាប់ផ្តើមចេញពីយុវជន Alemannia Mariadorf នៅអាល្លឺម៉ង់ មុននឹងឡើងមកលេងនៅលីគកំពូលអាល្លឺម៉ង់ក្នុងឆ្នាំ ២០១៦ ដោយកាលនោះមានវ័យត្រឹមតែ ១៧ ឆ្នាំតែប៉ុណ្ណោះ៕

ប្រភព៖ transferMkt