Real Madrid កោះហៅយុជនជប៉ុន វ័យ ១៦ ឆ្នាំម្នាក់ ឡើងមកឈុតធំ
កាលពីថ្ងៃទី ១៥ ខែតុលា ឆ្នាំ ២០២០ កន្លងទៅនេះ ក្លិបបាល់ទាត់ Real Madrid បានប្រកាសដំឡើងយុវជនម្នាក់ មកពីឈុតយុវជនអាយុក្រោម ១៨ ឆ្នាំ ឱ្យឡើងមកចូលរួមជាមួយនឹងឈុតធំ តាមការណែនាំរបស់លោក Zinedine Zidane ។
កីឡាករ Takuhiro Nakai សញ្ជាតិជប៉ុន ត្រូវបានគ្រូបង្វឹកឈុតធំ Real Madrid ចាប់អារម្មណ៍ខ្លាំង ដោយសារតែបច្ចេកទេសដ៏ល្អរបស់គេ ខណៈដែលគេមានវ័យត្រឹមតែ ១៦ តែប៉ុណ្ណោះ តែមានសមត្ថភាពអាចប្រដំប្រសងជាមួយនឹងរៀមច្បងនានា នៅក្នុងឈុតធំបាន ។
គូរឱ្យដឹងដែរថា កីឡាករ Takuhiro Nakai ទើបតែត្រូវបានដំឡើងមកពីឈុតយុវជនអាយុក្រោម ១៦ ឆ្នាំ មកឈុតយុវជនអាយុក្រោម ១៨ ឆ្នាំ Real Madrid កាលពីខែកក្កដាតែប៉ុណ្ណោះ ដោយគិតមកទល់នឹងពេលនេះ មិនទាន់បាន ៣ ខែស្រួលបួលផង ក៏ត្រូវបានកោះហៅចូលមកឈុតធំបាត់ ៕
ប្រភព៖ dailymail
