ManU ដាក់លក់ Lingard ឱ្យ West Ham ក្រោយចប់រដូវកាលនេះ

កីឡាករខ្សែប្រយុទ្ធសញ្ជាតិអង់គ្លេស ត្រូវបានគ្រូបង្វឹកធ្វើការកោះហៅចូលក្នុងក្រុមជម្រើសជាតិអង់គ្លេសសាជាថ្មី​ ក្រោយពីខកខានអស់រយៈពេល ជាង ៣ ឆ្នាំ​ បន្ទាប់ពីគេបង្ហាញទម្រង់លេងគួរឱ្យចាប់អារម្មណ៍ខ្លាំងក្នុងរយៈពេលចុងក្រោយនេះ ។

បច្ចុប្បន្នគេកំពុងតែត្រូវ Manchester United ដាក់ឱ្យក្លិប West Ham United ខ្ចីជើង មួយរដូវកាលដោយនឹងផុតកុងត្រាខ្ចីជើងនាចុងរដូវកាលនេះ ។ ក្រោយពីឃើញថាក្លិប West Ham ធ្វើការបណ្តុះបណ្តាល និង ប្រើការបានយ៉ាងល្អ ManU បានសម្រេចចិត្តធ្វើការលក់កីឡាកររូបនេះ ទៅឱ្យ West Ham នារដូវកាលក្រោយនេះ ។

ចំពោះតម្លៃវិញ ManU ប្រហែលជាអាចនឹងដាក់កីឡាករវ័យ ២៨ ឆ្នាំរូបនេះ ក្នុងតម្លៃថ្លៃគួរសមដោយសារតែក្លិប ​West Ham ប្រហែលជាមានចំណាប់អារម្មណ៍ខ្លាំង បន្ទាប់ពីគេជួយក្លិបមួយនេះ បានច្រើននៅតំបន់ប្រយុទ្ធ ៕

ប្រភព  ៖ skysport