Diego Simeone ជាអ្នកចាត់ការ ជោគជ័យបំផុតក្នុងប្រវត្តិសាស្ត្រ Atletico Madrid
ថ្វីត្បិតតែ Atletico Madrid មិនមែនជាក្លិបខ្លាំងបំផុតនៅទ្វីអុឺរ៉ុបក៏ដោយ តែក្លិបមួយនេះកំពុងតែមានអ្នកចាត់ការក្រុមមួយរូបដ៏អស្ចារ្យ ដែលធ្លាប់បានដឹកនាំក្រុមឈ្នះក្រុមខ្លាំងជាងគេបំផុតលើលោកប្រចាំឆ្នាំ២០១៨ Real Madrid និង លើកពាន UEFA Super Cup ២០១៨។
ជោគជ័យនេះហើយ ដែលនាំខ្លួនលោក ឲ្យក្លាយជាអ្នកចាត់ការក្រុមជោគជ័យបំផុតប្រចាំក្លិបមួយនេះ។ ចាប់តាំងពីដឹកនាំក្លិបអេស្ប៉ាញក្នុងឆ្នាំ ២០១១ មក ចំនួនពានសរុបដែលលោកបានឈ្នះមានចំនួន ៧ ជាចំនួនពានច្រើនបំផុត ដែលអ្នកចាត់ការរូបនេះ អាចសម្រេចបានក្នុងប្រវត្តិសាស្ត្រក្លិបមួយនេះ។
គួរបញ្ជាក់ថា លោកបានដឹកនាំការប្រកួតសរុបចំនួន ៣៧៩ លើក ក្នុងនោះក្លិប Atletico ធ្លាប់ឈ្នះ ២៣៤ លើក ស្មើ ៨២ ដង និងចាញ់ ៦៣ លើក។ ពានរង្វាន់ដែលលោកដឹកនាំបានមានដូចជា UEFA Europa League ២ លើក, ពាន UEFA Super Cup ២ លើក, ពាន La Liga ១ លើក, ពាន Copa del Rey ១ លើក, ពាន Supercopa ១ លើក៕
ដោយ៖ Coura ប្រភព (FFT)
