កប់! Ronaldo គ្រោងបើកសណ្ឋាគារផ្កាយ៤ ទី៦របស់ខ្លួន នៅទីក្រុងប៉ារីស
Cristiano Ronaldo បាននិយាយថា គេនឹងបើកសណ្ឋាគារផ្កាយ៤មួយកន្លែងក្នុងទីក្រុងប៉ារីសប្រទេសបារាំង ដែលវានឹងធំជាងសណ្ឋាគារ Pestana CR7 របស់គេក្នុង ទីក្រុង Lisbon ប្រទេសព័រទុយហ្គាល់។
សណ្ឋាគារផ្កាយ៤ដែលស្ថិតក្នុងគម្រោងមាន២១០បន្ទប់នេះ គឺជាសណ្ឋាគារទី៦ ដែលកីឡាករវ័យ៣៣ឆ្នាំវិនិយោគរួមគ្នាជាមួយក្រុមហ៊ុនសណ្ឋាគារ Pestana។ មិនខុសពីសណ្ឋាគារដ៏ទៃ Ronaldo និងក្រុមហ៊ុន Pestana នឹងបណ្ដាក់ទុនជាមួយគ្នាម្នាក់ពាក់កណ្ដាល។
សណ្ឋាគារថ្មីខាងលើ នឹងត្រៀមសាងសង់ក្នុងទំហំទឹកប្រាក់៥៣,៤លានផោន ដែលមានទីតាំងនៅជិតទន្លេ Gauche Rive ក្នុងទីក្រុងប៉ារីស។ Pestana បានបញ្ជាក់ថា សណ្ឋាគារនេះនឹងសាងសង់រួចរាល់នៅឆ្នាំ២០២១៕
ដោយ៖ Coura ប្រភព(FoxSport)
