កីឡាករ Aubameyang លឿនខ្លាំងនៅក្នុងទីលាន តែពេលលឿនខ្លាំងនៅលើផ្លូវ ត្រូវផាកពិន័យ ជិត ២ ពាន់ដុល្លារ
កីឡាករ Pierre-Emerick Aubameyang របស់ Arsenal ត្រូវបានប៉ូលីសផាកពិន័យ ដោយដកប័ណ្ណបើកបរ និងពិន័យជាទឹកប្រាក់ផងដែរ ដោយសារតែការបើកបរល្បឿនហួសកំណត់។
ក្នុងនោះដែរ ខ្សែប្រយុទ្ធដ៏ខ្លាំងរបស់ Arsenal និង ជាម្ចាស់រថយន្តប្រណីត Lamborghini រូបនេះ ត្រូវអស់ប្រាក់ ផាកពិន័យជាប្រាក់ចំនួន ១,២៥០ ផោន (ជិត ១៧០០ ដុល្លារសហរដ្ឋអាមេរិក)។ ចំណែកឯ មូលហេតុនៃការផាកពិន័យនេះ គឺដោយសារកីឡាកររូបនេះបើកបរក្នុងល្បឿន ១៦០ គីឡូម៉ែត្រក្នុងមួយម៉ោង។
នេះមិនមែនជាលើកទី១ នោះទេដែលកីឡាកររូបនេះត្រូវបានប៉ូលីសផាកពិន័យ ក្នុងបទល្មើសបើកបរហួសល្បឿនកំណត់បែបនេះ។ គួរបញ្ជាក់ថា Pierre-Emerick Aubameyang ខ្សែប្រយុទ្ធកំពុងឡើងជើងខ្លាំង ធ្លាប់ឈ្នះពានកីឡាករល្អបំផុត របស់សហព័ន្ធកីឡាបាល់ទាត់ទ្វីបអាហ្វ្រិកប្រចាំឆ្នាំ ២០១៥ (Confederation of African Football player of the year award) ៕
ដោយ៖ Coura ប្រភព (TheSun)
