បញ្ជីកោះហៅថ្មី ក្រុមជម្រើសជាតិកម្ពុជា មិនមានការផ្លាស់ប្តូរច្រើនឡើយ តែមាន ចាន់ វឌ្ឍនាកា
សហព័ន្ធកីឡាបាល់ទាត់កម្ពុជា បានបញ្ចេញបញ្ជីឈ្មោះកីឡាករ ដែលត្រូវកោះហៅសម្រាប់ប្រកួតមិត្តភាពអន្តរជាតិកម្ពុជា ជាមួយនឹងក្រុមជម្រើសជាតិទីម័រខាងកើតនាថ្ងៃទី១២ ខែតុលា ឆ្នាំ២០១៨ វេលាម៉ោង ៦:៣០ នាទីល្ងាចនៅពហុកីឡាដ្ឋានជាតិ។
ក្នុងនោះដែរបញ្ជីឈ្មោះលើកនេះមានកីឡាករច្រើនជាងមុន ពោលគឺចំនួន២៤រូប ខណ:ដែលលើកនេះកីឡាករដែលបាត់ឈ្មោះមានចំនួន៤រូបដូចជា ស៊ូ យ៉ាទី (របួសស្មា), លី វ៉ាហេទ, អ៊ុក សុវណ្ណ, ជ័យចិត្រា។ ហើយមានកីឡាករកោះហៅជាថ្មីវិញ ចំនួន៥រូប ចាន់ វឌ្ឍនាកា, គួច ដានី, អ៊ន ចាន់ប៉ូលីន, សារ៉េត គ្រីយ៉ា និង ជា វណ្ណសាក់។
គួរបញ្ជាក់ថា កីឡាករទាំង ២៤ រូបនេះ មានមកពីក្លិបចំនួន៧ បឹងកេត(៣រូប), ក្រសួងការពារជាតិ(៤រូប), ណាហ្គាវើល(៤រូប), ភ្នំពេញក្រោន(៤រូប), ព្រះខ័នរាជស្វាយរៀង(៤រូប), វិសាខា(៤រូប), Teranganu (ម៉ាឡេសុី) (១រូប) ៕
ដោយ៖ Coura ប្រភព (FFC)
