វឌ្ឍនាកា អាចនឹងផ្លាស់ទៅក្លិប ឈៀងរ៉ៃ របស់លីគកំពូលថៃ នៅរដូវកាលក្រោយ

កីឡាករខ្សែប្រយុទ្ធជួរមុខជម្រើសជាតិកម្ពុជា ចាន់ វឌ្ឍនាកា នៃក្លិបបាល់ទាត់បឹងកេត អាចនឹងផ្លាស់ប្តូរទៅកាន់លីគកំពូលថៃនៅរដូវកាលក្រោយ។

ដំណឹងនេះ ត្រូវបានអ្នកតាមដាន វិស័យបាល់ទាត់កម្ពុជា រំពឹងថាប្រហែលជាអាចនឹងលេចជារូបរាងឡើងមែន ហើយអាចនឹងចាប់ផ្តើមលេងនៅលីគកំពូលថៃ នារដូវកាលក្រោយនេះ ពីព្រោះកីឡាករកម្ពុជារូបនេះនៅតែចិញ្ចឹមចិត្ត ចង់លេងនៅក្រៅប្រទេស ដើម្បីយកបទពិសោធមកជួយក្រុមជម្រើសជាតិកម្ពុជា។

គួរបញ្ជាក់ដែរថា កាលពីប៉ុន្មានជា ២ខែមុន ប្រធានក្លិបបឹងកេត បានទៅដល់កីឡដ្ឋានរបស់ក្លិបលីគកំពូលថៃ Chiangrai United ក្នុងន័យសិក្សារអំពីគម្រោងកីឡដ្ឋានរបស់គេ និង ពង្រឹងទំនាក់ទំនងរវាងក្លិប និង ក្លិប ហើយថ្នាក់ដឹកនាំក្លិបក៏បានបញ្ជាក់ផងដែរថា ក្លិបទាំង២អាចនឹងមានការផ្ទេរកីឡាករគ្នា នាពេលអនាគត៕

ដោយ៖ ​រ៉ា