ប្រកួតមិត្តភាពអន្តរជាតិ កម្ពុជា និង សិង្ហបូរី ជាការប្រកួតកម្តៅសាច់ដុំចុងក្រោយរបស់កម្ពុជា ត្រៀម SUZUKI CUP
ការប្រកួតមិត្តភាពអន្តរជាតិរវាង ក្រុមជម្រេីសជាតិកម្ពុជា និង ក្រុមជម្រេីសជាតិសិង្ហបុរី នឹងធ្វើឡើងនៅថ្ងៃអង្គារ៏ ទី១៦ ខែតុលា ឆ្នាំ២០១៨នេះ វេលាម៉ោង ៦:៣០ល្ងាច នៅពហុកីឡដ្ឋានជាតិ។
ការប្រកួតនេះជាការប្រកួតត្រៀមចុងក្រោយបង្អស់របស់ក្រុមជម្រើសជាតិកម្ពុជា ដើម្បីចូលរួមក្នុងពានរង្វាន់ធំជាងគេបង្អស់ក្នុងតំបន់អាស៊ាន AFF SUZUKI CUP 2018 ដែលនឹងធ្វើឡើងនៅខែវិច្ឆិកា ខាងមុខនេះ។ មុននេះកម្ពុជា ឆ្លងកាត់ការប្រកួតមិត្តភាពចំនួន២រួចមកហើយ ដោយចាញ់ម៉ាឡេសុី ១ ទល់នឹង ៣ ស្មើទីម័រខាងកើត ២ ទល់នឹង ២។
គួរបញ្ជាក់ផងដែរថា សំបុត្រទស្សនាការប្រកួតនេះ ចាប់ផ្តើមលក់ហេីយចាប់ពីម៉ោង ៩ ព្រឹកដល់ម៉ោង ៦ ល្ងាចនៅពហុកីឡដ្ឋានជាតិ។ រីឯ តម្លៃសំបុត្រចែកចេញជា២ប្រភេទ ដោយប្រភេទ១: ១០,០០០៛ និង ប្រភេទ ២: ៥,០០០៛៕
ដោយ៖ Coura ប្រភព (FFC)
