ប្រធានក្រុមសិង្ហបូរី ថា ចាន់ វឌ្ឍនាកា ជាមុខសញ្ញាគ្រោះថ្នាក់បំផុត សម្រាប់ការប្រកួតល្ងាចនេះ

កីឡាករ Safuwan Baharudin ដែលជាប្រធានក្រុមជម្រើសជាតិសិង្ហបូរី បានថ្លែងក្នុងសន្និសិទ្ធកាសែត មុនការប្រកួតមិត្តភាពអន្តរជាតិ កម្ពុជា និង សិង្ហបូរី កាលពីម្សិលមិញថា​ កីឡាករខ្សែប្រយុទ្ធកម្ពុជា ចាន់ វឌ្ឍនាកា ជាមុខសញ្ញាគ្រោះថ្នាក់បំផុតសម្រាប់ក្រុមខ្លួន។

ក្នុងនាមជាកីឡាករ ​ធ្លាប់លេងជាមួយគ្នានៅក្លិប Pahang FA របស់ម៉ាឡេសុី កីឡករសិង្ហបូរីរូបនេះថា ខ្លួនស្គាល់ពីសមត្ថភាព ចាន់ វឌ្ឍនាកា ដោយកីឡាកររូបនេះ ត្រូវការខ្សែការពារដល់ទៅ៣រូប ទើបអាចបិទរូបគេជាប់។ ម៉្យាងវិញទៀត ចាន់ វឌ្ឍនាកា ជាអ្នកបង្កើតឲកាសដល់មិត្តរួមក្រុមទាំងមូល។

គួរបញ្ជាក់ផងដែរថា ក្រុមគោព្រៃកម្ពុជា និង ត្រូវប្រកួតមិត្តភាពអន្តរជាតិចុងក្រោយជាមួយ សិង្ហបូរី នាល្ងាចនេះ នៅពហុកីឡដ្ឋានជាតិ វេលាម៉ោង ៦:៣០ នាទីល្ងាច៕

ដោយ៖ ​Coura ប្រភព​ (NOC)