ញាក់ណាស់! Messi ជះលុយទិញ Iphone 14 ស្រោបមាស ៣៥ គ្រឿង ជូនមិត្តរួមក្រុមជម្រើសជាតិ
សារព័ត៌មានបរទេស The Sun នៅថ្ងៃទី ០១ ខែមីនា ឆ្នាំ ២០២៣ បានឱ្យដឹងថា កីឡាករ LIONEL Messi បានចំណាយប្រាក់ប្រមាណ £175,000 (ប្រមាណ ២១ ម៉ឺនដុល្លារ) លើ iPhone 14 មាសចំនួន ៣៥ គ្រឿងសម្រាប់ជាកាដូរជូនក្រុមជម្រើសជាតិរបស់លោក ដែលបានឈ្នះ World Cup របស់គាត់រួមមានមិត្តរួមក្រុម និងបុគ្គលិក។
ប្រភពព័ត៌មានបរទេសខាងលើ បានឱ្យដឹងទៀតថា តារាសញ្ជាតិអាហ្សង់ទីនរូបនេះ បានប្រគល់កាដូទាំងនោះ ជូនសមាជិកគ្រប់រូបនៃក្រុមដែលឈ្នះ ដោយពួកគេបានទៅយកនៅផ្ទះល្វែងនៅប៉ារីសរបស់ Messi កាលពីថ្ងៃសៅរ៍ កន្លងទៅ ខណៈទូរស័ព្ទនីមួយៗមានឈ្មោះ លេខរបស់កីឡាករ និង ឡូហ្គោអាហ្សង់ទីនឆ្លាក់នៅលើនោះ។
គួរឱ្យដឹងផងដែរថា ដើមហេតុដែលនាំឱ្យ Messi សម្រេចចិត្តជូនកាដូបែបនេះ គឺដោយសារតែលោក ចង់ធ្វើអ្វីដែលពិសេស និងអស្ចារ្យ ដើម្បីអបអរពេលវេលាដ៏មានមោទកភាពបំផុតរបស់លោក ដែលបានឈ្នះពាន FIFA World Cup ដោយគាត់បានទាក់ទងជាមួយសហគ្រិន Ben Lyons និង បានបង្កើតការរចនាទូរស័ព្ទបែបនេះឡើងជាមួយគ្នា៕
ប្រភព ៖ The Sun
