លោក Jose Mourinho ទស្សន៍ទាយបាត់ថា វគ្គផ្ដាច់ព្រ័ត្រ EURO ២០២៤ ក្រុម ១ នេះនឹងលើកពាន
អតីតគ្រូបង្វឹកប្រចាំក្លឹបបាល់ទាត់ធំៗនៅតំបន់អឺរ៉ុប លោក Jose Mourinho ដែលមានរហស្សនាមថា Special One ថ្មីៗនេះ បានធ្វើការទស្សន៍ទាយទុកជាមុន នូវលទ្ធផលនៃការប្រកួតព្រឹត្តិការណ៍កីឡាបាល់ទាត់ប្រចាំទ្វីបអឺរ៉ុប UEFA EURO 2024។
តាមរយៈវីដេអូសម្ភាស នៃសារព័ត៌មានកីឡាបរទេស TNS Sport នៅថ្ងៃទី ១២ ខែមិថុនា ឆ្នាំ ២០២៤ លោក Jose Mourinho បានទស្សន៍ទាយថា Portugal នឹងក្លាយជាក្រុមជម្រើសជាតិលើកពានវគ្គផ្ដាច់ព្រ័ត្រ UEFA EURO 2024 ខណៈជើងឯករង លោកទស្សន៍ទាយថានឹងបានទៅលើក្រុមជម្រើសជាតិអង់គ្លេស។
បន្ថែមលើសពីនេះផងដែរ លោកក៏បានទស្សន៍ទាយថា អ្នកដែលនឹងទទួលបានស្បែកជើងមាស នៅក្នុងព្រឹត្តិការណ៍ EURO ២០២៤ នេះ គឺនឹងបានទៅលើកីឡាករជម្រើសជាតិអង់គ្លេស Harry Kane។ យ៉ាងណាមិញ នេះគ្រាន់តែជាការទស្សន៍ទាយប៉ុណ្ណោះ សម្រាប់ប្អូនអ្នកស្នេហាកីឡាបាល់ទាត់ អាចទស្សន៍ទាយបានទេ ថាក្រុមមួយណា នឹងលើកពានក្លាយជាម្ចាស់ជើងឯកបាល់ទាត់ប្រចាំទ្វីបអឺរ៉ុប ២០២៤?
