កុំឱ្យពិបាកសួរគេ! ចាប់ពីយប់នេះបើចង់មើល EURO 2024 នៅកម្ពុជា អាចទស្សនាតាមវិធី ២ នេះបានយ៉ាងងាយ
ព្រឹត្តិការណ៍កីឡាបាល់ទាត់ UEFA EURO 2024 នឹងចាប់ផ្ដើមចាប់ពីថ្ងៃទី ១៤ ខែមិថុនា រហូតដល់ថ្ងៃទី ១៤ ខែកក្កដា ដែលមានប្រទេសអាល្លឺម៉ង់ ធ្វើជាម្ចាស់ផ្ទះនៃការប្រកួត និង មានប្រទេសដែលបានចូលរួមចំនួន ២៤ ប្រទេស។
កៀកនឹងពេលវេលាប្រកួតខិតជិតមកដល់នេះផងដែរ យើងសូមណែនាំនូវវិធីទស្សនាសម្រាប់ប្រិយមិត្តអ្នកស្នេហាកីឡាបាល់ទាត់នៅកម្ពុជា ដែលចង់ទស្សនាការប្រកួតUEFA EURO ២០២៤ លោកអ្នកអាចទស្សនាទៅតាមការផ្សាយមួយចំនួន ដែលមានដូចខាងក្រោម ៖
១. ទស្សនាតាមរយៈទូរទស្សន៍
ប្រិយមិត្តអាចទស្សនា តាមរយៈកញ្ចក់ទូរទស្សន៍ ក្រុមការងារ CBS ដែលមានប៉ុស្តិ៍មួយចំនួនដូចជា CTN, CNC, MyTV ជាដើម ដែលបានទិញសិទ្ធិផ្សាយផ្ទាល់បន្តមកកម្ពុជា។
២. ទស្សនាតាមរយៈផេកហ្វេសប៊ុក
ក្រៅពីការទស្សនាតាមរយៈទូរទស្សន៍ លោកអ្នកក៏អាចទស្សនាការផ្សាយផ្ទាល់ទៅតាមផេកបាល់ទាត់មួយចំនួនផងដែរ ដែលមានដូចជា CBS Sport៕
