(វីដេអូ) ល្អពិតៗ! មួយក្បាច់របស់ Jude Bellingham តែតបាល់បំប៉ោងសំណាញ់ទីយប់មិញ ជួយឱ្យអង់គ្លេសឈ្នះស៊ែប៊ីបាន ៣ ពិន្ទុពេញ
ព្រឹត្តិការណ៍កីឡាបាល់ទាត់ប្រចាំទ្វីបអឺរ៉ុប UEFA EURO 2024 គិតត្រឹមថ្ងៃទី ១៦ ខែមិថុនា ឆ្នាំ ២០២៤ កន្លងទៅនេះ គឺបានបន្តការប្រកួតមកដល់ត្រឹមក្រុម C ហើយ ដែលមានការប្រកួតរវាង ប៉ូឡូញ ទល់នឹង ហូឡង់ ក្នុងលទ្ធផល ១-២, ស្លូវ៉ានៀ ទល់នឹង ដាណឺម៉ាក់ ១-១ និង ស៊ែប៊ី ទល់នឹង អង់គ្លេស ០-១។
អ្វីដែលគួរឱ្យចាប់អារម្មណ៍ ក្នុងការប្រកួតយប់មិញកីឡាករខ្សែបម្រើវ័យក្មេង និង មានតម្លៃខ្លួនខ្ពស់ របស់ក្រុមតោកំណាចអង់គ្លេស គឺ Jude Bellingham បានជួយឱ្យអង់គ្លេសទទួលបានជ័យជម្នះបាន ៣ ពិន្ទុពេញ បន្ទាប់ពីរូបគេបានតែតបាល់បញ្ចូលទី នៅនាទីទី ១៣ នាំមុខការប្រកួត និង យកឈ្នះក្នុងលទ្ធផលបញ្ចប់ ១-០។
គួរឱ្យដឹងផងដែរថា ក្នុងព្រឹត្តិការណ៍ UEFA EURO 2024 នេះ កីឡាករអង់គ្លេស Jude Bellingham នេះ ត្រូវបានគេចាត់ទុកថាជាកីឡាករខ្សែរបម្រើដែលមានតម្លៃខ្លួនថ្លៃជាងគេ ដែលបានចូលរួមជាមួយជម្រើសជាតិ ប្រកួតក្នុងព្រឹត្តិការណ៍ UEFA EURO 2024 នេះ ខណៈអ្នកបន្ទាប់គឺមាន De Bruyne, Bruno Fernandes, Phil Foden, Musiala, Saka៕
សូមទស្សនាវីដេអូនៅខាងក្រោម ៖
