(វីដេអូ) ស្លុ/តចិត្តណាស់! កំពុងប្រកួតសុខៗ កីឡាករវាយសីដ៏ល្បីរបស់ចិន ដួលផ្កាប់មុខស្ល-ា./ប់ភ្លាមៗ ក្នុងវ័យទើប ១៧ ឆ្នាំ

កីឡាករវាយសីដ៏ល្បីប្រចាំប្រទេសចិន Zhang Shi Jie បានទទួលមរណភាពភ្លាមៗក្នុងវ័យត្រឹម ១៧ ឆ្នាំ ក្រោយដួលសន្លប់អំឡុងពេលកំពុងប្រកួតជាមួយដៃគូជនជាតិជប៉ុន Kazuma Kawano នាកម្មវិធី Asian Junior Championships នាក្រុង Yogyakarta ប្រទេសឥណ្ឌូនេស៊ី កាលពីថ្ងៃទី ៣០ ខែមិថុនា ឆ្នាំ ២០២៤ កន្លងទៅ។

បើតាមវីដេអូបានបង្ហាញឱ្យឃើញថា Zhang Shi Jie ដែលស្ថិតក្នុងឈុតពណ៌ក្រហម បានធ្វើការប្រកួតជាមួយដៃគូ ក្នុងសភាពមាំទាំធម្មតា ប៉ុន្តែប៉ុន្មាននាទីក្រោយមក រូបគេហាក់ដូចខ្សោយកម្លាំងទៅៗ រហូតដួលសន្លប់យកតែម្ដង។ មួយសន្ទុះក្រោយមក ទើបមានក្រុមគ្រូពេទ្យចុះមកពិនិត្យ មុនប្រញាប់បញ្ជូនគេទៅសង្គ្រោះបន្តនៅមន្ទីរពេទ្យ ប៉ុន្តែជាអកុសលរូបគេបានផុតដង្ហើមទៅហើយ។

ដំណឹងមរណភាពរបស់ Zhang Shi Jie ត្រូវបានខាងសមាគមវាយសីប្រចាំប្រទេសម៉ាឡេស៊ី (BAM) ប្រកាសលើបណ្ដាញសង្គម X ដោយពួកគេសម្ដែងការសោកស្ដាយ និង ចូលរួមរំលែកទុក្ខចំពោះការបាត់បង់កីឡាករដ៏មានទេពកោសល្យវ័យក្មេងរូបនេះ និង បួងសួងឱ្យដួងវិញ្ញាណរបស់គេបានទៅកាន់ទីស្ងប់សុខ៕

ប្រភព៖ World Of Buzz