![២ ប្រកួតក្ដៅសាច់យប់មិញ ជាពេលវេលាចុងក្រោយរបស់កីឡាករជើងចាស់ ៣ រូបនេះ លេងនៅ EURO](https://www.popular.com.kh/wp-content/uploads/2024/07/FEATURE376.jpg)
២ ប្រកួតក្ដៅសាច់យប់មិញ ជាពេលវេលាចុងក្រោយរបស់កីឡាករជើងចាស់ ៣ រូបនេះ លេងនៅ EURO
ព្រឹត្តការណ៍កីឡាបាល់ទាត់ប្រចាំទ្វីបអឺរ៉ុប UEFA EURO 2024 គិតត្រឹមថ្ងៃទី ០៦ ខែកក្កដា ឆ្នាំ ២០២៤ រកឃើញជើងខ្លាំង ២ ក្រុម ឡើងទៅចាំនៅវគ្គពាក់កណ្ដាលផ្ដាច់ព្រ័ត្រ ក្រោយអេស្ប៉ាញយកឈ្នះម្ចាស់ផ្ទះអាល្លឺម៉ង់ ហើយមាន់គកបារាំងបានយកឈ្នះបញ្ចខែលព័រទុយហ្គាល់។
ក្នុងនោះផងដែរ ក្នុងជំនួបទាំង ២ ប្រកួតយប់មិញ គឺជាអនុស្សាវរីយ៍ដ៏មានន័យ ដោយវាជាពេលវេលាចុងក្រោយរបស់កីឡាករចាស់វស្សាចំនួន ៣ រូប ក្នុងព្រឹត្តិការណ៍ UEFA EURO ខណៈពួកគាត់ធ្លាប់កសាងកេរ្តិ៍ឈ្មោះ និង សមិទ្ធផលជាច្រើនជូនជម្រើសជាតិ ដែលរួមមាន កីឡាករព័រទុយហ្គាល់ Cristiano Ronaldo និង Pepe រួមទាំងកីឡាករអាល្លឺម៉ង់ Toni Kroos ដែលបានសម្រេចចិត្តចូលនិវត្តន៍លើវិស័យបាល់ទាត់តែម្ដង ក្រោយចាញ់អេស្ប៉ាញនៅលើទឹកដីខ្លួនឯងក្នុងវគ្គ ៨ ក្រុម។
សូមបញ្ជាក់ផងដែរថា នៅក្នុងរាត្រីនេះនឹងមានជំនួបប្រកួតចំនួន ២ ក្រុមដើម្បីឡើងទៅកាន់វគ្គពាក់កណ្ដាលផ្ដាច់ព្រ័ត្រ ព្រឹត្តិការណ៍ UEFA EURO 2024 ដែលតោកំណាចអង់គ្លេស នឹងត្រូវប៉ះ ស្វីស ហើយក្រុមហូឡង់ នឹងត្រូវប៉ះ តួគី៕