នារីរូបនេះហើយត្រូវគេសង្ស័យជាសង្សាររបស់គ្រាប់ពេជ្រ អេស្ប៉ាញ Yamal បើសម្រស់វិញស្រស់ស្អាតខ្លាំង
ព្រឹត្តិការណ៍កីឡាបាល់ទាត់ប្រចាំទ្វីបអឺរ៉ុប Uefa Euro ២០២៤ ត្រូវបានរកឃើញជើងឯកម្ចាស់ពានហើយ នៅយប់រំលងអធ្រាត្រឈានចូលថ្ងៃទី ១៥ ខែកក្កដា ឆ្នាំ ២០២៤ ដែលអេស្ប៉ាញ បានយកឈ្នះអង់គ្លេស ក្នុងលទ្ធផល ២ ទល់នឹង ១ នៅទីក្រុងប៊ែឡាំង កាន់កាប់ពានម្ចាស់ជើងឯក Euro 2024។
ក្រោយទទួលបានជ័យជំនះ អ្នកគាំទ្រអេស្ប៉ាញ បាននាំគ្នាចាប់អារម្មណ៍ជាខ្លាំងទៅលើនារីម្នាក់មានឈ្មោះ Alex Padillaa ព្រមទាំងនាំគ្នាសន្មតថាជាមិត្តស្រីរបស់គ្រាប់ពេជ្រវ័យក្មេងរបស់អេស្ប៉ាញ Lamine Yamal ដោយនាំគ្នាសម្រុកទៅ Follow គណនីបណ្ដាញសង្គមរបស់នារីដ៏ស្រស់ស្អាតនោះទៀតផង។
ការសន្និដ្ឋានបែបនេះ គឺដោយសារតែការប្រកួតវគ្គកន្លងទៅ ពិសេសការប្រកួតវគ្គផ្ដាច់ព្រ័ត្រនេះ រូបនាងមានវត្តមានអង្គុយជាមួយក្រុមគ្រួសាររបស់ Lamine Yamal ផ្ទាល់តែម្ដង ព្រមទាំងបានបង្ហាញរូបភាពស្និទ្ធស្នាលជាមួយម្ចាស់ពានកីឡាករវ័យក្មេងក្នុងព្រឹត្តិការណ៍ Uefa Euro 2024។
គួរឱ្យដឹងផងដែរថា កីឡាករគ្រាប់ពេជ្រអេស្ប៉ាញ Lamin Yamal ទើបតែមានអាយុ ១៧ ឆ្នាំថ្មីៗនេះ ជាកីឡាករដែលមានអាយុក្មេងជាងគេបំផុតក្នុងព្រឹត្តិការណ៍ Euro 2024 ហើយជាអ្នកដែលបានបង្កើតឱកាសស៊ុតគ្រាប់បាល់យកឈ្នះបារាំង កាលពីវគ្គពាក់កណ្ដាលផ្ដាច់ព្រ័ត្រ ព្រមទាំងជួយឱ្យអេស្ប៉ាញលើកពាននៅវគ្គផ្ដាច់ព្រ័ត្រផងដែរ៕
