អ៊េមខ្លាំង! ឆ្នាំនេះបារាំងធ្វើម្ចាស់ផ្ទះកីឡាអូឡាំពិក ពួយចែកទូរស័ព្ទស៊េរីថ្មីម្នាក់មួយគ្រឿងឱ្យកីឡាករភ្លាមៗ សរុប ១៧០០០ គ្រឿង
ដូចដែលបានដឹងហើយថា ព្រឹត្តិកាណ៍កីឡាជាតិអូឡាំពិកនៅក្នុងឆ្នាំ ២០២៤ នឹងត្រូវប្រព្រឹត្តិទៅនៅឯទីក្រុងប៉ារីស ប្រទេសបារាំង គឺចាប់ពីថ្ងៃទី ២៦ ខែកក្កដា ដល់ថ្ងៃទី ១១ ខែសីហា ឆ្នាំ ២០២៤ នេះ។
ខណៈថ្ងៃចាប់ផ្តើមកាន់តែកៀកចូលមកដល់ កីឡាករជាច្រើនរូបក៏បានចាកចេញពីប្រទេសរបស់ខ្លួន និង ធ្វើដំណើរទៅក្រុងប៉ារីសហើយ ដើម្បីត្រៀមខ្លួនចូលរួមប្រកួត។ យ៉ាងណាមិញ អ្វីដែលសំខាន់គេឃើញថាប្រទេសបារាំងពិតជាទទួលស្វាគមន៍កីឡាករបានល្អណាស់។
ក្នុងនោះ តាមព័ត៌មានបានឱ្យដឹងថា កីឡាករដែលបានទៅដល់ទីក្រុងប៉ារីស នឹងត្រូវបានគេប្រគល់កាដូជាទូរស័ព្ទម៉ាក Samsung Galaxy Z Flip 6 ម្នាក់មួយគ្រឿងភ្លាមៗ ដែលទូរស័ព្ទនោះដែរ ត្រូវបានរចនាឡើងយ៉ាងពិសេសសម្រាប់កីឡាករអូឡាំពិកផ្ទាល់។ ទូរស័ព្ទនេះមានផ្ទុកនូវកម្មវិធី IOC’s Athlete ចំនួន ៣៦៥ កម្មវិធី, Olympic Shop, Paris 2024 ព្រមជាមួយនឹងកម្មវិធី Samsung Wallet ដើម្បីអនុញ្ញាតឱ្យកីឡាករទទួលទានភេសជ្ជៈដោយឥតគិតថ្លៃនៅគ្រប់ម៉ាស៊ីនភេសជ្ជៈក្នុងកម្មវិធីអូឡាំពិក។
បន្ថែមពីនេះទៅទៀត ទូរស័ព្ទក៏មានមានមុខងារ Galaxy AI ដោយផ្តល់នូវការបកប្រែដោយផ្ទាល់នៅពេលមានការហៅចូល ការបកស្រាយការសន្ទនាដោយផ្ទាល់ និង AI Composer សម្រាប់សរសេរអ៊ីមែល អត្ថបទ និង ការបង្ហោះនៅតាមប្រព័ន្ធផ្សព្វផ្សាយសង្គមផងដែរ៕
