(វីដេអូ) អស់ស្ទះហើយ! អាយុទើបតែ ១៩ ឆ្នាំ ស្រីស្អាត Lauryn មានសមត្ថភាពអាចនិយាយបានរហូត ៤ ភាសា

លើបណ្ដាញសង្គមទាំងហ្វេសប៊ុក និង Tiktok នៅប៉ុន្មានថ្ងៃចុងក្រោយនេះ មានផ្ទុះព័ត៌មានចចាមអារ៉ាមជាច្រើនពាក់ព័ន្ធនឹងរឿងស្នេហារបស់តារាចម្រៀងរ៉េប វណ្ណដា រកបានអ្នកស្អំបេះដូងថ្មី គឺជាស្រីស្អាតម្នាក់ ដែលមានឈ្មោះថា Lauryn។

យ៉ាងណាមិញ មកទល់ពេលនេះ មិនទាន់មានប្រភពច្បាស់ចេញមុខបកស្រាយថាវាជាការពិត ឬ យ៉ាងណាឡើយ ដោយគ្រាន់តែមហាជនច្បាស់ក្នុងចិត្តតាមរយៈភ័ស្ដុតាងផ្សេងៗលើបណ្ដាញសង្គមថាអ្នកទាំងពីរកំពុងទាក់ទងគ្នា។

ក្រោយផ្ទុះពីទំនាក់ទំនងស្នេហ៍ជាមួយនឹង វណ្ណដា ស្រីស្អាត Lauryn ក៏ត្រូវបានមហាជន ជាពិសេសអ្នកគាំទ្រចាប់អារម្មណ៍ និង ចង់ដឹងរឿងរ៉ាវឯកជនរបស់ Lauryn ជាបន្តបន្ទាប់។

ក្នុងនោះ Lauryn ក៏ត្រូវបានគេចាប់អារម្មណ៍ឃើញថានាងក៏ធ្លាប់បានថតស្បតពាណិជ្ជកម្មឱ្យហាងសម្លៀកបំពាក់ ក្លឹបហាត់កីឡា និង ផលិតផលមួយចំនួន។ លើសពីនេះ ក្រៅពីមានទេពកោសល្យប្រម៉ូតផ្សព្វផ្សាយលើបណ្ដាញសង្គម នាងក៏ត្រូវបានគេដឹងថាពូកែកិច្ចការងារផ្ទះគ្រប់សព្វ ជាពិសេសពូកែធ្វើម្ហូបទៀតផង។

ដោយឡែក ថ្មីៗនេះ ក្រៅពីចាប់អារម្មណ៍ទៅលើរូបសម្រស់ដ៏ស្រស់ស្អាតគួរឱ្យទាក់ទាញ ក៏ដូចជាជំនាញផ្សេងៗ ស្រីស្អាត Lauryn កំពុងធ្វើឱ្យមហាជនអ្នកគាំទ្រសរសើរទាក់ទងនឹងសមត្ថភាពចំណេះដឹងរបស់នាង ដែលតាមរយៈការឡាយវីដេអូលើអ៊ីនស្ដាក្រាម Lauryn បានប្រាប់ឱ្យដឹងថានាងអាចនិយាយបានរហូត ៤ ភាសា មាន ខ្មែរ អង់គ្លេស ថៃ និង ចិន៕

សូមចុចទីនេះដើម្បីទស្សនាវីដេអូ៖