អ្នកគាំទ្រលួចច្រណែន! Lu Han និង មិត្តស្រី មិនប្រកាន់ខ្លួនជាតារាល្បី អង្គុយញ៉ាំអីតាមផ្លូវជាមួយគ្នាយ៉ាងសាមញ្ញ
ថ្មីៗនេះ រូបថតរបស់តារាចម្រៀង Lu Han និង មិត្តស្រីរបស់លោក គឺតារាសម្ដែងស្រី Guan Xiaotong បានធ្វើឱ្យអ្នកគាំទ្រចាប់អារម្មណ៍ខ្លាំងរហូតឡើងដល់ចំណាត់ថ្នាក់លេខ ១ នៅលើ Weibo ក្លាយជារូបថតដ៏ពេញនិយមបំផុត។
ពិតណាស់ រូបថតអង្គុយញ៉ាំអីយ៉ាងសាមញ្ញរបស់អ្នកទាំងពីរ នៅក្នុងហាងគុយទាវមួយកន្លែង បានធ្វើឱ្យអ្នកនិយមលេងក្នុងបណ្តាញសង្គមនេះ ផ្តោតតាមដានលើគូស្នេហាមួយគូនេះយ៉ាងខ្លាំង ដោយបានឃើញ Lu Han អង្គុយសម្លឹងមើលមុខមិត្តស្រីរបស់លោកញ៉ាំអីយ៉ាងមានក្តីសុខ នៅតែរក្សាទម្លាប់បង្ហាញភាពផ្អែមល្ហែមឱ្យគ្នាទៅវិញទៅមក ចាប់តាំងពីតារាទាំងពីរបានប្រកាសមានទំនាក់ទំនងជាមួយគ្នាក្នុង ២០១៧ មកដល់បច្ចុប្បន្ន៕
