បាត់មុខយូរ ស្រាប់តែលេចមុខម្តងនេះ Tong Tong បែរជាគេងពេទ្យ ក្រោយត្រឡប់ពីក្រៅប្រទេស

បន្ទាប់ពីប្រកាសបញ្ចប់ទំនាក់ទំនងស្នេហ៍ជាមួយ Best មក មួយរយៈធំហើយដែលអ្នកកំលោះ Tong Tong បានស្ងាត់បាត់មុខនៅលលើបណ្តាញសង្គម ក៏ដូចជាពិភពសិល្បៈមិនសូវបង្ហាញមុខជាញឹកញាប់។

យ៉ាងណាមិញ ក្រោយ Tong Tong ស្ងាត់មិនសូវបង្ហាញមុខ មានមហាជនអ្នកគាំទ្ររបស់លោកក៏បានសម្តែងក្តីនឹករឭក និង ចង់ឃើញលោកលេចមុខក្នុងរឿងភាគបន្ទាប់មិនតិចនោះទេ ព្រោះមួយរយៈធំដែរហើយដែលអ្នកគាំទ្រខកខានមិនបានតាមដានរាល់សកម្មភាពរបស់អ្នកកំលោះរូបនេះដូចកាលកន្លង។

អ្វីដែលសំខាន់ ខណៈអ្នកគាំទ្រកំពុងតែទន្ទឹងរង់ចាំមើល Tong Tong ត្រឡប់មកវិញជាមួយស្នាមញញឹម និង សមិទ្ធផលថ្មី ស្រាប់តែថ្មីៗនេះបែរជាធ្លាយរូបភាពរបស់អ្នកកំលោះរូបនេះកំពុងតែគេងមន្ទីរពេទ្យស្តូកស្តឹងទៅវិញ ធ្វើឱ្យមហាជននៅមិនសុខចង់ដឹងសុខទុក្ខព្រាត។

ទោះយ៉ាងណា ពេលនេះមានគេទម្លាយថា Tong Tong មានជំងឺផ្តាសាយធំ ក្តៅខ្លួនខ្លាំង ក្រោយត្រឡប់មកពីបំពេញការងារនៅប្រទេសមីយ៉ាន់ម៉ាវិញ និង ចេញពីពេទ្យនៅថ្ងៃទី ២៥ ខែសីហា ឆ្នាំ ២០២៣ នេះហើយ៕