Apple ប្រហែលអាចបញ្ចេញ iPhone 11 នៅថ្ងៃទី១០ ខែកញ្ញានេះ
Apple ទើបតែបានបញ្ចេញប្រព័ន្ធប្រតិបត្តិការ iOS 13 beta ទី ៧ សម្រាប់ក្រុម Developers ហើយបានបង្កប់កូដ ដែលអាចជាភ័ស្តុតាងមួយបង្ហាញពីកាលបរិច្ឆេទចេញ iPhone ស៊េរីថ្មីទៀតផង ។
iOS 13 នោះ បានបង្ហាញឱ្យឃើញរូប Screenshot ដែលមានឈ្មោះថា “HoldForRelease” ដោយមានកម្មវិធីប្រតិទិន (Calendar) ជាថ្ងៃ អង្គារ ទី ១០ ខែ កញ្ញា ដែលធ្វើឱ្យគេសង្ស័យថា វាជាកាលបរិច្ឆេទបញ្ចេញ iPhone ស៊េរីថ្មីរបស់ Apple ។
គួររំលឹកឱ្យដឹងថា កាលពីឆ្នាំមុនកម្មវិធីប្រតិទិនបានបង្ហាញថ្ងៃទី ១២ ខែ កញ្ញា ហើយ iPhone X ក៏បង្ហាញខ្លួននៅថ្ងៃនោះតែម្តង ។ យ៉ាងណាមិញ ថ្ងៃនោះក៏ខិតជិតមកដល់ហើយដែរ ដូច្នេះយើងមានតែរង់ចាំមើលប៉ុណ្ណោះ ៕
ប្រភព ៖ gsmarena
