Nokia បត់ បាត់មុខយូរ ឥលូវចេញស៊េរីថ្មី ហើយតម្លៃថោកទៀត !
Nokia បានពាំនាំយកទូរស័ព្ទបត់របស់ខ្លួនត្រលប់មកវិញ ដោយរួមបញ្ចូលភាពងាយស្រួលប្រើ ជាមួយបច្ចេកវិទ្យាថ្មីៗជាច្រើន ។
Nokia 2720 Flip ដំណើរការដោយប្រព័ន្ធប្រតិបត្តិការណ៍ KaiOS ហើយមានអេក្រង់ខាងក្រៅទំហំ ១,៣ អ៊ីង ងាយស្រួលឆែកមើលសារ និង អេក្រង់ខាងក្នុងទំហំ ២,៨ អ៊ីង ។
Nokia 2720 Flip ក៏បានបន្ថែមកម្មវិធីថ្មីដូចជា WhatsApp និង Facebook ក៏ដូចជា Google Maps ជាដើម ព្រោះឥឡូវនេះ វាអាចប្រើប្រាស់បច្ចេកវិទ្យា 4G បាន ហើយថែមទាំងមានមុខងារ Wi-Fi Hotspot ឬ ភ្ជាប់ទៅកាន់ Wi-Fi បានផងដែរ ។
ទូរស័ព្ទបត់នេះ ប្រើកាមេរ៉ាក្រោយទំហំ 2MP , ទំហំផ្ទុក 4GB អាចញាត់ថែម microSD card បាន និង មានរន្ធដោតកាស 3.5mm ។ Nokia 2720 Flip នឹងមានលក់ក្នុងតម្លៃ ១០០ ដុល្លារ ដោយមាន ២ ពណ៌ គឺ ពណ៌ខ្មៅ និង ពណ៌ប្រផេះ ៕
ប្រភព ៖ gsmarena
