iOS 13 ចេញហើយ មានមុខងារថ្មីច្រើន អ្នកប្រើ iPhone 6S ឡើង អាចអាប់ដេតបាន!
បន្ទាប់ពីរង់ចាំអស់រយៈពេលជាច្រើនខែ ឥឡូវនេះ Aplpe បានបញ្ចេញកំណែអាប់ដេត Software ថ្មីសម្រាប់ iPhone ហើយ គឺ iOS 13 ។ អ្នកប្រើប្រាស់ចាប់ពី iPhone 6S ឡើងទៅ អាចដោនឡូត និង អាប់ដេតបាន ។
របៀបអាប់ដេត៖ ចូលទៅកាន់ “Settings” រួចចុចយក “General” និង ចុចយក “Software Update” ។ Apple ណែនាំឱ្យអ្នកសាកថ្ម និង ភ្ជាប់ WiFi ដើម្បីដោនឡូតវា ។
iOS 13 បានធ្វើការផ្លាស់ប្តូរគួរឱ្យកត់សម្គាល់ ហើយមុខងារពិសេសថ្មីរបស់វាមានដូចជា ៖
Dark Mode
Apple នឹងអនុញ្ញាតឱ្យអ្នកប្រើប្រាស់ដាក់ Background បែបងងឹតពណ៌ខ្មៅ ដើម្បីងាយស្រួលមើល និង សន្សំសំចៃថ្មទៀតផង ។
អូសដើម្បីវាយអក្សរ
Apple បានណែនាំមុខងារថ្មីមួយហៅថា Quickpath Keyboard ដែលអ្នកគ្រាន់តែអូសលើក្តារចុចដើម្បីវាយអក្សរប៉ុណ្ណោះ ។
ផែនទី
Apple Maps ទទួលបានការអាប់ដេតថ្មីមួយចំនួន ដោយឥឡូវនេះអ្នកអាចមើលបែប 3D បាន ហើយអ្នកក៏អាចកំណត់ទីតាំងដែលអ្នកចូលចិត្ត និង បង្កើតទីតាំងដែលអ្នកចង់ទៅបានផងដែរ ។
Siri
ថ្វីបើ Siri មិនត្រូវបានលើកមកនិយាយច្រើនក្នុងកម្មវិធីរបស់ Apple ប៉ុន្តែ Siri នឹងអាចអានសារដែលគេផ្ញើមក ហើយអនុញ្ញាតឱ្យអ្នក Share សំឡេងពី AirPods របស់អ្នកទៀតផង ។
Apple Arcade
វាគឺជាមុខងារហ្គេមថ្មីរបស់ Apple ដែលមានតម្លៃ ៤,៩៩ ដុល្លារក្នុងមួយខែ ហើយអ្នកអាចលេងហ្គេមច្រើនជាង ១០០ ហ្គេមនៅលើនោះ ៕
ប្រភព ៖ CNN
