Apple ទំនងបញ្ចេញកាស AirPods Pro ថ្មី តែតម្លៃរាងក្រែលបន្តិច

Apple ទំនងជាអាចបញ្ចេញកាសឥតខ្សែថ្មី AirPods Pro ដែលមានមុខងារកាត់សំឡេងរំខាន (Noise-Canceling) បន្ទាប់ពីក្រុមហ៊ុននេះប្រលយឱ្យឃើញនៅលើ iOS 13.2 beta ។

នៅក្នុងប្រព័ន្ធប្រតិបត្តិការណ៍ចុងក្រោយបង្អស់នេះ Apple បង្ហាញឱ្យឃើញរូបភាពនៃកាស AirPods ថ្មី ដែលមានរូបរាងកាត់ AirPod និង iPod ស៊េរីចាស់ ។

មិនតែប៉ុណ្ណោះ របាយការណ៍មួយពី China Economic Daily បានបង្ហាញឱ្យឃើញព័ត៌មានលម្អិតមួយចំនួនទៀត ដូចជា កាលបរិច្ឆេទចេញលក់ និង តម្លៃលក់រាយរបស់វារហូតដល់ទៅ ២៥០ ដុល្លារឯណោះ ។

ទោះជាយ៉ាងណា Apple នឹងនៅតែលក់កាស AirPods ដដែល ខណៈកាសប្រភេទ Pro ថ្មីនឹងជាទំនិញ Premium ដូច iPhone 11 និង 11 Pro អីចឹងដែរ ៕

ប្រភព ៖ gsmarena