DJI ចេញ Drone រាងតូច និងស្រាលបំផុតថ្មី Mavic Mini តម្លៃត្រឹម ៣៩៩ ដុល្លារ

ក្រុមហ៊ុន DJI បានប្រកាសចេញនូវ Drone ដែលមានរូបរាងតូច និង ស្រាលបំផុតរបស់ខ្លួន ហៅថា Mavic Mini សម្រាប់អ្នកប្រើប្រាស់កម្រិតដំបូង ដើម្បីប្រតិបត្តិការណ៍សាមញ្ញ និង ធ្វើឱ្យវាងាយស្រួលហោះហើរ នៅក្នុងតំបន់ហាមឃាត់សម្រាប់ Drone ធំៗផងដែរ ។

Mavic Mini មានទំហំធំជាង និង ទម្ងន់ធ្ងន់ជាងស្មាតហ្វូនបន្តិច ពោលគឺទម្ងន់ ២៤៩ ក្រាមប៉ុណ្ណោះ ។ វាមិនត្រឹមតែស្រាលប៉ុណ្ណោះទេ ថែមទាំងងាយស្រួលដាក់តាមខ្លួន ហើយស៊ីថ្មតិចទៀតផងពេលហោះហើរ ។

Drone ថ្មីនេះមានកាមេរ៉ាទំហំ 12MP 1/2.3 ជាមួយនឹងលេន 24mm f2.8 លើជើងទប់លំនឹង 3-axis ដែលអាចថតវីដេអូបានដល់កម្រិត 2720 x 1530 30p ឬ 1920 x 1080 60p លើ 40Mbps bitrate ។ វាមិនអាចថតដល់ 4K , គ្មានមុខងារ Slow Motion , Flat Profile ឬ Hasselblad ឡើយ ។

Mavic Mini ប្រើថាមពលថ្ម 2,400mAh អាចហោះបាន ៣០ នាទី និង ចម្ងាយ ៤ គីឡូម៉ែត្រ ។ ដៃបញ្ជារបស់វាអាចប្រើបានជាមួយទាំង Android និង iOS ដោយគ្រាន់តែត្រូវការកម្មវិធី DJI Fly App ប៉ុណ្ណោះ ។ វាមានតម្លៃ ៣៩៩ ដុល្លារ សម្រាប់ប្រភេទ Base Kit ដែលរួមមាន Drone , ដៃបញ្ជា (Controller) ព្រមទាំង Accessories មួយចំនួន និង តម្លៃ ៤៩៩ ដុល្លារ ទទួលបាន Accessories ទាំងអស់តែម្តង ៕

ប្រភព ៖ gsmarena