រថយន្តដ៏ទំនើបៗធ្លាប់ឃើញនៅក្នុងរឿងហូលីវូដនោះ ឥឡូវនេះមកដល់កម្ពុជាហើយ!

កន្លងមក លោកឧកញ៉ា ស្រី ចាន់ថន ធ្លាប់បានបង្ហោះ និង សរសេរសារនៅលើទំព័រហ្វេសប៊ុករបស់លោកថា លោកនឹងធ្វើការនាំចូលរថយន្តដ៏ទំនើប ដែលមានរូបរាងប្លែកគួរឱ្យចាប់អារម្មណ៍នេះ មកកាន់ទីផ្សារប្រទេសកម្ពុជា ។ រថយន្តប្រភេទនេះ គេធ្លាប់តែឃើញនៅក្នុងរឿងហូលីវូដតែប៉ុណ្ណោះ ប៉ុន្តែឥឡូវនេះ វាមានវត្តមាននៅក្នុងប្រទេសកម្ពុជាយើងហើយ ។

នៅព្រឹកថ្ងៃទី ៣០ ខែមករា ឆ្នាំ ២០២០ នេះ នៅលើទំព័រហ្វេសប៊ុករបស់លោកឧកញ៉ា ស្រី ចាន់ថន បានបង្ហោះរូបភាព និង សរសេរថា ព្រឹកនេះ..!! ឡានហូលីវ៉ូដ បានមកដល់ទឹកដីព្រះរាជាណាចក្រកម្ពុជាយើងហើយ.. នឹងដាក់តាំងបង្ហាញជូនបងប្អូនទស្សនា នៅ Jet’s Garden Park នៅលើទឹកដី ស្កាយលែន វិហារសួគ៌…❤️ ។

ដូច្នេះ បើបងប្អូនចង់ទស្សនារថយន្ត ហូលីវូត ដ៏ទំនើបនេះអាចទៅទស្សនាបាន នៅតំបន់អភិវឌ្ឍន៍ ស្កាយលែន ក្នុងទឹកដីឃុំវិហារសួគ៌ ខេត្តកណ្តាល ព្រោះរថយន្តទាំងនោះនឹងដាក់តាំងបង្ហាញនៅទីនោះ ។ ទោះជាយ៉ាងណា គេនៅមិនទាន់ដឹងពីតម្លៃរបស់វា សម្រាប់ដាក់លក់នៅក្នុងទីផ្សារប្រទេសកម្ពុជានោះនៅឡើយទេ ៕