ស្ងាត់ៗ ហេង នរៈកក្កដា ដឹកដៃកូនក្រមុំជាអ្នកក្រៅសិល្បៈ ភ្ជាប់ពាក្យតាមប្រពៃណីបាត់

កាលពីថ្ងៃទី ១០ ខែវិច្ឆិកា ឆ្នាំ ២០២៤ កន្លងទៅនេះ អ្នកនិយមតាមដានជីវិតសិល្បៈ និង ឯកជនរបស់តារាប្រុស លោក ហេ នរៈកក្កដា មានការភ្ញាក់ផ្អើលយ៉ាងខ្លាំង បន្ទាប់ពីលោកបានបង្ហោះរូបភាពដូចជា Pre-Wedding ជាច្រើនសន្លឹកជាមួយនឹងនារីស្រស់សោភាម្នាក់។

រូបភាពផ្អែមល្ហែមរបស់ ហេង នរៈកក្កដា និង នារីអ្នកក្រៅសិល្បៈរូបនោះ បានអមនូវសារដ៏ផ្អែមល្ហែម និង មានអត្ថន័យថា ៖ «ពីមនុស្សមិនដែលស្គាល់គ្នា ក្លាយទៅជាមនុស្សស្គាល់គ្នា ពីមនុស្សដែលស្គាល់គ្នា ក្លាយទៅជាមនុស្សដែលស្និតស្នាលនឹងងគ្នា ពីមនុស្សដែលស្និតស្នាលនឹងងគ្នា ក្លាយទៅជាសង្សារនឹងគ្នា ប្រែពីពាក្យថាសង្សារ ទៅជាគូជីវិត។ អរគុណ ដែលដើរចូលក្នុងជីវិតរបស់បង 11.11.2024»។

ដោយឡែក នៅព្រឹកថ្ងៃទី ១១ ខែវិច្ឆិកា ឆ្នាំ ២០២៤ នេះ លោក ហេង នរៈកក្កដា បានដឹកដៃនារីក្នុងបេះដូងចូលរោងជ័យភ្ជាប់ពាក្យ បញ្ចប់ងារជាសង្សារក្លាយជាគូដណ្តឹងហើយ។ ក្នុងថ្ងៃមង្គលនេះដែរ មិត្តក្នុងសិល្បៈ និង អ្នកគាំទ្រក៏បានជូនពរដល់លោក ហេង នរៈកក្កដា ឱ្យជួបតែសុភមង្គលផងដែរ៕