ទំនប់បង្ហៀរ រលៀប ក្លាយជារមណីយដ្ឋានទេសចរណ៍ដ៏ទាក់ទាញ

ក្រៅពីបម្រើឱ្យការស្រោចស្របដំណាំស្រូវហើយនោះ ពេលនេះ ទំនប់បង្ហៀរ រលៀប បានក្លាយទៅជារមណីយដ្ឋានទេសចរណ៍ដ៏ពេញនិយមមួយនៅលើទឹកដីនៃ ក្រុងពោធិសាត់ ជាពិសេសេនៅរដូវវស្សា ដែលមានទឹកពេញប្រៀបផ្ទៃអាង ។

ទំនប់បង្ហៀរ រលៀប ត្រូវបានកសាងសង់ រួចរាល់នាឆ្នាំ ២០១១ ជាប្រភេទ ទំនប់បង្ហៀរ ដែលស្ថិតនៅ ក្នុងសង្កាត់រលៀប ក្រុងពោធិ៍សាត់ ខេត្តពោធិសាត់ ។ ពេលនេះទំនប់បង្ហៀរ រលៀប មិនត្រឹមតែផ្តល់ទឹកសម្រាប់ការ ស្រោចស្រព ស្រែ ចម្ការ របស់បងប្អូនប្រជាកសិករនៅតំបន់នោះ ប៉ុណ្ណោះទេ បច្ចុប្បន្ន ទំនប់បង្ហៀរទឹកនេះ បានក្លាយ ជារមណីយដ្ឋានកែច្នៃដ៏ស្រស់ស្អាត និង ពេញនិយម ថែមទៀតផង ។

នៅក្នុងឱកាសនៃពិធីបុណ្យភ្ជុំបិណ្ឌឆ្នាំនេះ គេសង្កេតឃើញភ្ញៀវទេសចរក្នុងស្រុកបាននាំគ្នាទៅកម្សាន្តយ៉ាងច្រើនកោះករ ជាពិសេសនៅពេលរសៀលគឺមានមនុស្សយ៉ាច្រើននាំគ្នាទៅងូតទឹកលេងយ៉ាងសប្បាយរីរាយ ៕

ដោយ៖សុថាត់