ត្រៀមទះដៃសាទរឱ្យណាណីទៅ! ស្ពានអាកាសស៊េរីទំនើបថ្មីៗ ៤ កន្លែងកំពុងសង់ប្រជែងគ្នានៅភ្នំពេញ

គម្រោង​សាងសង់​ស្ពាន​អាកាស​ ​៣​ ​កន្លែងនៅ​ភ្នំពេញ​កំពុង​សាងសង់​យ៉ាង​គ​គ្រឹង​គគ្រេង​ទាំងយប់​ទាំង​ថ្ងៃ​នៅ​រាជធានី​ភ្នំពេញ​ ​ដើម្បី​ជួយ​សម្រួល​ដល់​ការ​ធ្វើដំណើរ​របស់​បងប្អូន​ប្រជាពលរដ្ឋ​ ​។​ ​ស្ពាន​អាកាស​ទាំង​ ​៣​ ​នោះ​មាន​ដូចជា​ ​៖​ ​

​១​.​ ​ការសាងសង់​ស្ពាន​អាកាស​បន្ថែម​ទៀត​ ​លើ​ស្ពាន​អាកាស​ក្បាលថ្នល់​

គម្រោង​សាងសង់​ស្ពាន​អាកាស​បន្ថែម​ទៀត​ ​លើ​ស្ពាន​អាកាស​ក្បាលថ្នល់​ ​កំពុង​សម្រុក​សាងសង់​យ៉ាងសកម្ម​ដើម្បី​ឱ្យ​ចប់​ជាស្ថាពរ​មុន​ឆ្នាំ​ ​២០១៩​ ​នេះ​ ​។​ ​តាម​សេចក្ដីជូនដំណឹង​របស់​រដ្ឋបាល​រាជធានី​ភ្នំពេញ​ឱ្យ​ដឹង​ថា​ ​ចាប់ពី​ថ្ងៃទី០២​ ​ខែកញ្ញា​ ​ឆ្នាំ​ ​២០១៩​ ​នេះ​តទៅ​ ​ការដ្ឋាន​ស្ពាន​អាកាស​ក្បាលថ្នល់​ ​នឹង​តម្លើង​ពុម្ព​ដែក​កម្រាល​តួ​ស្ពាន​ ​កម្ពស់​ពី​កម្រាល​កៅស៊ូ​ថ្នល់​ ​+​៤.០០ម​ ​។​ ​ដូច្នេះ​ដើម្បី​ធានា​បាន​សុវត្ថិភាព​ជូន​បងប្អូន​អ្នកធ្វើ​ដំណើរ​ឆ្លងកាត់​ទីតាំង​នេះ​គ្រប់​ប្រភេទ​ ​សូម​យានយន្ត​ទាំងអស់​ផ្ទុក​ទំ​និញ​ផ្សេង​ៗ​ត្រឹម​កម្ពស់​ ​៤.០០​ ​ម​ ​ចុះក្រោម​ជាកំហិត​ ​។​

​២​.​ ​ស្ពាន​អាកាស​ ​និង ​ផ្លូវ​ក្រោម​ដី​ចោមចៅ​

​ស្ពាន​អាកាស​ ​និង​ ​ផ្លូវ​ក្រោម​ដី​នេះ​ ​ត្រូវ​បាន​បើក​ការដ្ឋាន​សាងសង់​ជា​ផ្លូវការ​កាលពី​ថ្ងៃទី​ ​២៩​ ​ខែមិថុនា​ ​ឆ្នាំ​ ​២០១៨​ ​។​ ​គម្រោង​តម្លៃ​ប្រមាណ​ ​២២​ ​លាន​ដុល្លារ​នេះ​ ​នឹង​ប្រើប្រាស់​រយៈពេល​សាងសង់​ចំនួន​ ​៣០ខែ​ ​។​ ​គម្រោង​សាងសង់​ស្ពាន​អាកាស​ទី៦​ ​និង​ ​ផ្លូវ​ក្រោម​ដី​នៅ​រង្វង់​ចោមចៅ​ ​ស្ថិត​ក្នុង​ភូមិ​ថ្នល់បំបែក​ ​សង្កាត់​ចោមចៅ​ទី៣​ ​ខណ្ឌ​ពោធិ​សែន​ជ័យ​ ​រាជធានី​ភ្នំពេញ​ ​។​ ​

៣​.​ ​ស្ពាន​អាកាស​ថ្មើរជើង​ ​២​ ​កន្លែង​ ​

​រដ្ឋបាល​រាជធានី​ភ្នំពេញ​មាន​គម្រោង​ស្ថាបនា​ស្ពាន​អាកាស​ថ្មើរជើង​ចំនួន​ពីរ​ទីតាំង​ ​បន្ថែម​ទៀត​សម្រាប់​បងប្អូន​ប្រជាពលរដ្ឋ​ធ្វើដំណើរ​ដោយ​ថ្មើរជើង​ឆ្លងកាត់​តំបន់​នោះ​ប្រកបដោយ​សុវត្ថិភាព​ ​។​ ​នេះ​បើ​តាម​ទំព័រ​ហ្វេ​សប៊ុ​ក​របស់​រដ្ឋបាល​រាជធានី​ភ្នំពេញ​ ​បាន​បង្ហោះ​នៅ​ថ្ងៃទី​ ​២៤​ ​សីហា​ ​២០១៩​ ​នេះ​ ​។​ ​

​តាម​ការ​បញ្ជាក់​ ​គម្រោង​ទីមួយ​មាន​ទីតាំង​ស្ថិតនៅ​លើ​មហាវិថី​ម៉ៅសេទុង​ខាងកើត​សាលាបឋមសិក្សា​សន្ធរ​ម៉ុ​ក​ ​និង​ ​គម្រោង​ទីពីរ​មាន​ទីតាំង​ស្ថិតនៅ​លើ​មហាវិថី​ម៉ៅសេទុង​ខាងលិច​ផ្សារ​ដើម​គ​ ​៕

​