រំភើបចិត្ត​បំផុត​!​ ​ទម្លាយ​លក្ខណៈ​ពិសេស​ ​៨​ ​យ៉ាង ​ផ្លូវ​ល្បឿន​លឿន​ដំបូងបង្អស់​ ​ក្នុង​ប្រវត្តិសាស្ត្រ​ខ្មែរ​

ផ្លូវ​ល្បឿន​លឿន ​(​Express​ ​way​)​ ​ភ្នំពេញ​-​ព្រះសីហនុ​ ​នឹង​បើក​ការដ្ឋាន​សាងសង់​នៅ​ថ្ងៃទី ២២​ ​មីនា​ ​ឆ្នាំ ២០១៩​ ​នេះ​ហើយ​ ​។​ ​នេះ​បើ​តាម​ទំព័រ​ហ្វេ​សប៊ុ​ក​ផ្លូវការ​របស់ក្រ​សួង​សាធារណការ​ ​និង​ ​ដឹកជញ្ជូន​ ​។​ ​ផ្លូវ​នេះ​មាន​លក្ខណៈ​ពិ​សេស​ៗ​ជាច្រើន​ដែល​មិនធ្លាប់​មាន​ក្នុង​ប្រវត្តិ​សា​​ស្ត្រខ្មែរ​ ​។​ ​លក្ខណៈ​ពិសេស​ទាំងនោះ​​មាន​ដូចជា​៖​
​
​១​.​ ​គម្រោង​ផ្លូវ​ល្បឿន​លឿន​នេះ​ ​ឆ្លងកាត់​ ​៤ រាជធានី​ខេត្ត​មាន ​៖​ ​រាជធានី​ភ្នំពេញ​ ​ខេត្តកណ្តាល​ ​ខេត្ត​កំពង់ស្ពឺ​ ​និង​ ខេត្ត​ព្រះសីហនុ​
​
​២​.​ ​ផ្លូវ​ ​មាន​ក្រាល​បេតុង​កៅស៊ូ​ ​AC​ ​ដែល​មាន​ប្រវែង​សរុប​ ​១៩០,៣៦៥​ ​គីឡូម៉ែត្រ​ ​(​គិត​រួម​ទាំង​ស្ពាន​ ​និង ​លូ​ទាំងអស់​)​
​
​៣​.​ ​មាន​គន្លង​ផ្លូវឡាន​ ​(​២x៣,៧៥ ម៉ែត្រ​)​ ​សងខាង​ជាយ​ផ្លូវ​កៅស៊ូ ​(​២x២,៥ម៉ែត្រ​)​ ​និង​ សម្រាប់​ម៉ូតូ​ជាយ​ផ្លូវ​ដីក្រហម​ ​២​(​២x០,៧៥​)​

​

​៤​.​ ​ផ្លូវ​ថ្មើរជើង​ ​និង​ សួន​នៅ​អ​ក្ស័​កណ្តាល​ទ្រូង​ប្រវែង៣​ ​ម៉ែត្រ​ ​មាន​ស្ពាន​ ​៨៩​ ​កន្លែង​
​
​៥​.​ ​ល្បឿន​បើកបរ​កំណត់​ចាប់ពី ៨០​ ​ទៅ​ ​១២០​ ​គីឡូម៉ែត្រ​ក្នុង​មួយ​ម៉ោង​
​
​៦​.​ ​មាន​កន្លែង​សម្រាប់​ឈប់សម្រាក​ចំនួន ៤​ ​កន្លែង​ ​និង​ ស្ថានីយ​ប្រេងឥន្ធនៈ ៣​ ​កន្លែង​
​កន្លែងឈប់សម្រាក

​៧​.​ ​មាន​របង​អម​តាម​សងខាង​ផ្លូវ​នោះ​ដើម្បី​ការពារ​សត្វពាហនៈ​ឆ្លងកាត់​
​
​៨​.​ ​មាន​របាំង​ការពារ​សំឡេងរំខាន​សរុប​ប្រហែល ៥៧,១៩​ ​គីឡូម៉ែត្រ​ ​ព្រមទាំង​ទុក​កន្លែង​មនុស្ស​ ​និង ​សត្វព្រៃ​ឆ្លងកាត់​ចំ​នូន ៣៥២ កន្លែង​ ​។​
​
​លក្ខណៈ​ពិសេស​ទាំង​ ​៨​ ​យ៉ាងនេះ​ធ្លាប់​ត្រូវ​បាន​ទម្លាយ​ដោយ​រដ្ឋបាល​ខេត្ត​ព្រះសីហនុ​ ​ក្នុង​សិក្ខាសាលា​ ​ស្តី​ពី​ការចូលរួម​វាយតម្លៃ​លទ្ធផល​ការសិក្សា​ហេតុផល​បរិស្ថាន​ ​និង ​សង្គម​ពេញលេញ​នៃ​គម្រោង​សាងសង់​ផ្លូវ​ល្បឿន​លឿន​ភ្នំពេញ​-​ព្រះសីហនុ​ ​កាលពី​ថ្ងៃទី​ ​១៦​ ​ខែមីនា​ ​ឆ្នាំ​ ​២០១៨​ ​នៅ​ខេត្ត​ព្រះសីហនុ​ ​៕​

​
​អត្ថបទ​៖​ ​រាជ​
​
​