ប៉ុន្មានដងហើយទប់ស្កាត់មិនបាន ម្ដងនេះលោកអភិបាល ប្ដេជ្ញាត្រឹម ១ ខែលែងឱ្យឡានធំចូលភ្នំពេញ

​ក្នុង​កិច្ចប្រជុំ​គណៈ​បញ្ជាការ​ឯកភាព​រាជធានី​ភ្នំពេញ​ ​កាលពី​ពេល​ថ្មី​ៗ​កន្លងទៅ​នេះ​ ​ឯក​ត្ដម​ ​ឃួង​ ​ស្រេង​ ​អភិបាល​រាជធានី​ភ្នំពេញ​ ​បាន​ប្ដេជ្ញា​ថា​ ​ទុក​រយៈពេល​ត្រឹម​ ​១​ ​ខែ​ត្រូវតែ​ទប់ស្កាត់​ឲ្យបាន​ ​លែងឱ្យ​រថ​យន្ត​ធំៗ​ចូល​ក្រុង​ពេលថ្ងៃ​ទៀតហើយ​ ​ខណៈ​កន្លងទៅ​កិច្ចការ​ទប់ស្កាត់​នេះ​មិន​មានប្រសិទ្ធភាព​ខ្ពស់​ ​។​ ​លោក​អភិបាល​បញ្ជាក់​ថា​ ​យុទ្ធនាការ​ទប់ស្កាត់​ឡាន​ធំ​ចូល​ក្រុង​ពេលថ្ងៃ​ ​គឺ​ឱ្យ​អាជ្ញាធរ​ខណ្ឌ​ ​និង​ ​សមត្ថកិច្ច​នគរបាល​កងរាជអាវុធហត្ថ​ជា​អ្នក​អនុវត្ត​ ​។​

​ឯកឧត្ដម​ ​ឃួង​ ​ស្រេង​ ​បាន​មានប្រសាសន៍​យ៉ាង​ដូច្នេះ​ថា​ ​៖​ ​«​បើ​ម្ចាស់​ឡាន​ធំ​ណា​ ​ដែល​មិន​ស្តាប់​តាម​ការណែនាំ​ ​គួរ​ឈប់​រកស៊ី​ដឹកជញ្ជូន​ក្នុង​ភូមិសាស្ត្រ​រាជធានី​ភ្នំពេញ​ ​ហើយ​បើ​ចង់​ដោះលែង​វិញ​ ​ត្រូវ​មានការ​ឯកភាព​ពីអ​ភិបាល​រាជធានី​ភ្នំពេញ​ទើបបាន​»​ ​។​ ​

ដើម្បី​ឱ្យ​វិធានការ​នេះ​ទទួល​បាន​ជោគជ័យ​ ​រដ្ឋបាល​រាជធានី​ភ្នំពេញ​ ​បាន​ត្រៀម​រៀបចំ​តម្រាយ​ផ្លូវ​សម្រាប់​ឡាន​ធំ​ចូល​ក្រុង​ជាថ្មី​ ​ហើយ​កំណត់​ម៉ោង​ឱ្យ​ឡាន​ធំ​ចូល​ក្រុង​ចាប់ពី​ម៉ោង​ ​៩​ ​យប់​ដល់ម៉ោង​ ​៦​ ​ភ្លឺ​ប៉ុន​ណោះ​។​ ​បន្ថែម​លើ​ពីនេះ​ទៀត​គ្រោង​នឹង​រៀបចំ​ទីតាំង​ ​៣​ ​កន្លែង​ ​ដើម្បី​ទុកដាក់​រថ​យន្ត​ធំៗ​ដែល​ល្មើស​ ​៕​

​

អត្ថបទ ៖ រាជ