មិនខុសពីឱវាទព្រះពុទ្ធ លើលោកនេះគ្មានអ្វីទៀងឡើយ ! ប៉ូលិសស័ក្ដិ ៣ ប្រឈមជាប់ពន្ធធនាគារពីបទ «លួច»

នៅ​ថ្ងៃទី៥​ ​មិថុនា​ ​ឆ្នាំ​ ​២០១៩​ ​នេះ​ព្រះរាជអាជ្ញា​នៃ​អយ្យការ​អម​សាលាដំបូង​រាជធានី​ភ្នំពេញ​ ​បាន​ចោទប្រកាន់​លោក​ប៉ូលិស​ស័ក្ដិ​ ​៣​ ​ហេង​ ​ហាប់​ ​ពី​បទ​ ​«​លួច​»​ ​តាម​មាត្រា៣៥៣​ ​និង​ ​មាត្រា​ ​៣៥៦​ ​នៃ​ក្រម​ព្រហ្មទណ្ឌ​ ​។​ ​

​លោក​ ​ហេង​ ​ហាប់​ ​ជា​នគរបាល​ ​នៃ​អង្គភាព​ជើងទឹក​ ​មាន​ឋានន្តរស័ក្តិ​ជា​អនុសេនីយ៍ឯក​ ​(​ស័ក្តិ៣​)​ ​បាន​យក​ ​Ipad​ ​ចេញពី​កន្លែង​វេរ​លុយ​ ​នៅ​ខណ្ឌទួលគោក​ ​កាលពី​ពេល​កន្លងទៅ​ ​តែ​ត្រូវ​បាន​ដោះលែង​វិញ​ ​ក្រោយ​ស្រាវជ្រាវ​ឃើញថា​ច្រឡំដៃ​ ​និង​ ​មាន​បញ្ហា​ខួរក្បាល​ ​។​ ​

​ក្រោយ​ដោះលែង​ព្រោះ​ហេតុផល​ទាំងនេះ​ ​បាន​ធ្វើ​ឱ្យ​មហាជន​ផ្ទុះ​ការ​តវ៉ា​ពេញ​ផ្ទៃ​ប្រទេស​ ​និង​ ​ប្រតិកម្ម​ជា​ខ្លាំង​ ​ព្រោះ​មាន​វីដេអូ​ភ័ស្តុតាង​បាន​បញ្ជាក់​យ៉ាង​ច្បាស់​ថា​ ​មិនមែន​ជា​ករណី​ច្រឡំ​ឡើយ​ ​គឺ​បន្លំ​ ​។​ ​ក្រោយ​ផ្ទុះ​ការរិះគន់​ពេញប្រទេស​ទើប​ ​សមត្ថកិច្ច​សើរើ​ឡើងវិញ​ ​និង​ ​បញ្ជូន​លោក​ ​ហេង​ ​ហាប់​ ​ទៅ​តុលាការ​ ​រហូត​ឈាន​ដល់​ការចោទប្រកាន់​ពី​បទ​ ​«​លួច​»​ ​។​ ​

តាម​មាត្រា​ ​៣៥៦​ ​បាន​ចែងថា​ ​៖​ ​អំពើ​លួច​ ​ត្រូវ​ផ្តន្ទា​ទោស​ដាក់​ពន្ធនាគារ​ពី​ ​០៦​ ​(​ប្រាំមួយ​)​ ​ខែ​ ​ទៅ​ ​០៣​ ​(​បី​)​ ​ឆ្នាំ​ ​និង​ពិន័យ​ជា​ប្រាក់​ពី​ ​១,០០០,០០០​ ​(​មួយ​លាន​)​ ​រៀល​ ​ទៅ​ ​៦,០០០,០០០​ ​(​ប្រាំមួយ​លាន​)​ ​រៀល​ ​៕​ ​

អត្ថបទ ៖ រាជ